اوکراینا بعضی محکوملاری اوردویا آلاجاق

اوکراینا، حبس‌خاناداکی محکوملاری اوردویا آلاجاق.

پارلمانین اینترنت سایتیندا، حبس‌خاناداکی محکوملارین سفربرلیگه داخیل ائدیلمه‌سینه باغلی قانون لایحه‌سینین قبول ائدیلدیگی ایفاده ائدیلدی.

پارلمان میللت وکیلی اولکسی گونچارئنکو، سوسیال مئدیا حسابیندان وئردیگی آچیقلامادا، سؤزو گئدن قانونون ۲۷۹ سس ایله قبول ائدیلدیگینی، بئله‌جه بعضی کتگوریلرده‌کی محکوملارین اوکراینا سلاحلی گوجلرینه آلیناجاغینی بیلدیردی.

اؤزونون بو قانونون یازانلاریندان اولدوغونا ایشاره ائد‌ن گونچارئنکو، "اوزون زاماندیر یونگول سوچلاردان حؤکم گئیمیش محکوملارین وطنلرینی ساوونما حاقینا صاحب اولمالاری لازیم اولدوغونو ساوونان ایلگیلی قانون لایحه‌سینی ثبت ائتدیرمیشدیم. محکوملارا اگر ایستیرلرسه ساواشما فورصتی وئرمه‌لیییک" ایفاده‌لرینی ایشلتدی.

گونچارئنکو، قصدلی جینایت، تجاووز، جینسی شدت و میللی گوونلیگه قارشی سوچلاردان حؤکم گئیه‌نلرین سفربرلیگه داخیل ائدیلمه‌یه‌جگی بیلگیسینی پایلاشدی.

اقتدارداکی "خالقین خیدمتچیسی" پارتیسی پارلمان قروپ باشقانی دیوید آراهامییا دا وئردیگی آچیقلامادا، ۱۵-۲۰ مین محکومون سفربرلیگه داخیل ائدیله‌بیله‌جگینی ایفاده ائد‌رک، "بونلاردان نئچه‌سینین آنلاشما‌نی ایمضالایاجاغینی بیلمیریک، چونکو بو، طرفلرین رآنلاشماسییلا اولاجاق. بیر نئچه مین نفر اولاجاغینی تخمین ائدیریک" ایفاده‌سینه یئر وئردی.

آراهامییا، محکوملارین محکمه قراریندان سونرا سفربرلیگه داخیل ائدیله‌بیله‌جگینی بیلدیردی.