ایران - ارمنیستان گؤروشمه‌سی
ایرانین رسمی خبر آژانسی ایرنایا گؤره، شمخانی، رسمی گؤروشمه‌لر اوچون باشکند تهرانا گئدن گریگوریان ایله گؤروشدو
ایران میللی گوونلیک یوکسک شوراسی عمومی کاتیبی علی شمخانی ایله ارمنیستان میللی گوونلیک شوراسی کاتیبی آرمن گریگوریان، ایکیلی و بؤلگه‌سل مؤوضوعلاری اله آلدی.
ایرانین رسمی خبر آژانسی ایرنایا گؤره، شمخانی، رسمی گؤروشمه‌لر اوچون باشکند تهرانا گئدن گریگوریان ایله گؤروشدو.
شمخانی، ایکیلی و بؤلگه‌سل مؤوضوعلارین دگرلندیریلدیگی گؤروشمه‌ده، اؤلکه‌سینین خاریجی سیاستینین دییشمز قانونلارین‌دان بیرینین قونشولارلا امکداشلیق و قارشیلیق‌لی تأثیرین گلیشدیریلمه‌سی اولدوغونو ایفاده ائد‌رک، ایرانین بؤلگه‌سل پروبلئملرین باریشچیل اصوللارلا حل ائدیلمه‌سی اوچون بوتون طرفلره "یاخشی قونشولوق و اورتاق چابا" تکلیف ائتدیگینی ایفاده ائتدی.
شمخانی، بؤلگه‌سل پروبلئملری سونا چاتدیرماق اوچون داواملی دیالوگ حالین‌دا اولونماسی و هر جور سرت یاناشمادان قاچینیلماسی لازیم اولدوغونو بیلدیردی.
تهران ایله ایروان آراسینداکی اقتصادی ایلیشکیلره توخونان شمخانی، قوزئی گونئی نقلیات کوریدورونون ایکی اؤلکه آراسینداکی تیجاری ایلیشکی‌لرین درینلشدیریلمه‌سی اوچون بیر پرسپکتیو سوندوغونو ایفاده ائتدی.
شمخانی، قافقاز بؤلگه‌سینین حساس بیر دؤوردن گئچدیگینه ایشاره ائد‌رک، آذربایجان ایله ارمنیستانین یاشانان گرگینلیکلری اعتیداللا ایداره ائدیب حل ائده بیله‌جگینی اومود ائتدیگینی قید ائتدی.
ارمنیستان میللی گوونلیک شوراسی کاتبی گریگوریان دا ایکی اؤلکه آراسینداکی الکتریک ایله‌تیم پروژه‌سی و ارمنیستان ایله تورکمنیستان آراسینداکی گاز موبادیله‌سینین تهران-ایروان ایلیشکی‌لری باخیمین‌دان اؤنملی قونولار اولدوغونو ایفاده ائتدی.
گریگوریان، ایکی اؤلکه آراسینداکی اقتصادی پروژه‌لرین حیاتا گئچیریلمه‌سینین سورعتلندیریلمه‌سی لازیم اولدوغونو وورغولادی.
ایلگیلی‌لی خبرلر
ایسرائیل، جنینه باسقین تشکیل ائتدی
ایسرائیل اوردوسو، جنینه باسقین تشکیل ائد‌رک بوراداکی سیغینماچی دوشرگه‌سینی محاصره ائتدی
