غزه-ده هلاک اولان‌لارین سایی 37 مینی کئچیب

ایسراییل اوردوسونون غزه-یه هوجومو نتیجه‌سینده هلاک اولان‌لارین سایی 37 مینی کئچیب.

2152684
غزه-ده هلاک اولان‌لارین سایی 37 مینی کئچیب

ایسراییل اوردوسونون 2023-جو ایل اوکتبرین 7-دن اعتباراً غزه زولاغینا تشکیل ائتدیگی هوجوم‌لار نتیجه‌سینده اؤلن‌لرین سایی 37 مین 232 نفره یوکسلیب.

غزه-ده‌کی فیلیسطین ساغلیق ناظیرلیگیندن وئریلن آچیقلامادا ایسراییلین غزه زولاغینا 251 گون‌دور تشکیل ائتدیگی هوجوم‌لارلا باغلی معلومات وئریلیب.

آچیقلامادا ایسراییل اوردوسونون غزه زولاغیندا گون عرضینده تؤرتدیگی هوجوم‌لاردا داها 30 فیلیسطین‌لی‌نین حیاتینی ایتیردیگی، 105 فیلیسطین‌لی‌نین ایسه یارالاندیغی بیلدیریلیب.

ایسراییلین اوکتبرین 7-دن اعتباراً غزه زولاغینا تشکیل ائتدیگی هوجوم‌لاردا اؤلن‌لرین سایی‌نین 37 مین 232 نفره، یارا‌لی‌لارین سایی‌نین ایسه 85 مین 37 نفره یوکسلدیگی قئید ائدیلیب.

آچیقلامادا داغینتی‌لار آلتیندا و یول کناریندا هله ده اؤلولرین اولدوغو، لاکین ایسراییل عسگرلری‌نین مانعه‌سی سببیندن طبی قروپ‌لارین و سیویل ساوونما ایشچی‌لرینین جسدلرین اولدوغو بؤلگه‌یه داخیل اولا بیلمه‌دیگی وورغولانیب.



ایلگیلی‌لی خبرلر