طرفلر مصلحتلشمهلری داوام ائتدیرمک بارهده راضیلیغا گلیبلر
تورکیه، روسیا، بشار اسد رژیمی و ایران آراسیندا سوریه ایله باغلی خاریجی ایشلر ناظیرلرینین معاوین لری سویهسینده کئچیریلن گؤروشده طرفلر مصلحتلشمهلری داوام ائتدیرمک بارهده راضیلیغا گلیبلر.
تورکیه، روسیا، بشار اسد رژیمی و ایران آراسیندا سوریه ایله باغلی خاریجی ایشلر ناظیرلرینین معاوین لری سویهسینده کئچیریلن گؤروشده طرفلر مصلحتلشمهلری داوام ائتدیرمک بارهده راضیلیغا گلیبلر.
دیپلوماتیک منبعلردن الده ائدیلن معلوماتا گؤره، آوریلین 3-4-ده روسیانین پایتاختی مسکوادا تورکیه، روسیا، بشار اسد رژیمی و ایران خاریجی ایشلر ناظیرلرینین معاوینلری سویهسینده دؤردطرفلی مصلحتلشمهلر کئچیریلیب.
طرفلر خاریجی ایشلر ناظیرلرینین نؤوبتی گؤروشونه حاضیرلیقلا باغلی مسئلهلری موذاکیره ائدرکن، هر بیر اؤلکه اؤز موضعینی و فیکیرلرینی شفاف و آیدین شکیلده ایفاده ائدیب.
بو چرچیوهده طرفلر مصلحتلشمهلری داوام ائتدیرمک بارهده راضیلیغا گلیبلر.
روسیا خاریجی ایشلر ناظیرلیگینده ناظیر سرگئی لاورووون آچیلیش نطقی ایله چیخیش ائتدیگی ایجلاسدا تورکیه نوماینده هئیتینه خاریجی ایشلر ناظیرینین معاوینی بوراک آکچاپار باشچیلیق ائدیب.
توپلانتیدا روسیانی تمثیل ائدن پرزیدنت ولادیمیر پوتینین اورتا دوغو و افریقا اؤلکهلری اوزره خصوصی نومایندهسی میخائیل بوگدانوو، ایرانی تمثیل ائدن خاریجی ایشلر ناظیرینین سیاسی مسئلهلر اوزره مشاویری علی اصغرحاجی و اسد رژیمینی تمثیل ائدن خاریجی ایشلر ناظیرینین معاوینی ایمن سوزان ایشتیراک ائدیر.
گؤروش مطبوعاتا قاپالی کئچیریلیب.