یونانیستان-دا قاطار قضاسیندا اؤلنلرین سایی 57-یه یوکسلیب
یونانیستان-دا مارسین 1-د گونو باش وئرن قاطار قضاسیندا حیاتینی ایتیرنلرین سایی 57-یه یوکسلیب.
یونانیستان-دا مارسین 1-د گونو باش وئرن قاطار قضاسیندا حیاتینی ایتیرنلرین سایی 57-یه یوکسلیب.
یونانیستان دؤولت تلویزیونو ERT-نین خبرینده لاریسا شهرینین قوزیی یندهکی شیمالینداکی تئمپی بؤلگهسینده یولجو قاطاری ایله یوک قاطارینین توققوشماسی نتیجهسینده بعضی واگونلارین خطدن چیخماسی و اؤن واگونلارین یانماسی نتیجهسینده باش وئرن قضادا سون معلوماتا گؤره 57 نفرین اؤلدوگو بیلدیریلیب.
خبرده 6-سی آغیر اولماقلا 48 نفرین معالیجهسینین داوام ائتدیگی، 56 نفرین ایسه هله ده ایتکین دوشدوگو قئید ائدیلیب.
خبرده قضا زامانی باش وئرن یانغینلا علاقهدار آختاریش-قورتارما ایشلری زامانی داغینتیلار آلتیندان چیخاریلان بعضی جسدلرین تانینماسیندا چتینلیکلرین یاشاندیغی، ایتکین دوشنلرین عائلهلرینین DNT آنالیزی اوچون نومونهلر وئردیگی بیلدیریلیب.
یونانیستانین خاریجی ایشلر ناظیری نیکوس دندیاس سوسیال مئدیا حسابیندان دستک مئساژی گؤندرن هر کسه تشککور ائدیب.
دندیاس "خالقیمیزلا هم رای اولدوقلارینی ایفاده ائدن بوتون دونیا خالقلارینا تشککور ائدیریک. یونانیستان دیپلوماتیک و کونسوللوق رسمیلرینه نزاکتلی دستک مئساژی وئرن هر کسه درین میننتدارلیغیمیزی بیلدیریریک" دئییب.
یونانیستان پرزیدنتی کاترینا ساکلاروپولو باش ناظیر کریاکوس میتسوتاکیس، ساغلیق ناظیری تانوس پلوریس، آنا موخالیفت رادیکال سول اپوزیسیونونون (SYRIZA) لیدری الکسیس سیپراس، ساوونما ناظیرینین معاوینی نیکوس هاردالیاس و یونانیستان کمونیست پارتیاسینین (ککئ) لیدری دیمیتریس کوچومباس قضانین باش وئردیگی اراضییه گئدهرک وضعیت حاقیندا معلومات آلیبلار.
یونانیستان حکومتی اؤلکه تاریخینده ان قانلی قاطار قضاسیندان سونرا اوچ گونلوک میللی ماتم اعلان ائدیب.
بو آرادا، پایتاخت آتینا-دا قاطار قضاسینا اعتراض ائدن مینلرله نوماییشچی " Hellenic Train" اوفیسلرینین یئرلشدیگی بینانین قارشیسینا توپلاشاراق پارلامئنت بیناسینین یئرلشدیگی سینتاگما میدانینا دوغرو یوروش ائدیب.
اللرینده "قضا دئییل، قتل" یازیلمیش پلاکاتلار قالدیران نوماییشچیلر گوناهکارلارین تاپیلماسینی طلب ائدیبلر.