روسیا اوردوسو کراسنایا گورا قصبهسینه نظارتی اله کئچیردیگینی بیلدیریب
روسیا ساوونما ناظیرلیگی اوکراینانین دونتسک ویلایتینده کراسنایا گورا قصبهسینه نظارتی اله کئچیردیکلرینی بیلدیریب.
روسیا ساوونما ناظیرلیگی اوکراینانین دونتسک ویلایتینده کراسنایا گورا قصبهسینه نظارتی اله کئچیردیکلرینی بیلدیریب.
ناظیرلیگین سؤزچوسو ایگور کوناشنکوو روسیا-اوکراینا محاربهسینده روسیا حربی قوهلرینین عملیاتلاری ایله باغلی معلومات پایلاشیب.
روسیا اوردوسونون اوکراینادا دؤیوشلرینی داوام ائتدیردیگینی بیلدیرن کوناشنکوو موختلیف بؤلگهلرده 300-دن چوخ اوکراینالی عسگرین ضررسیزلشدیریلدیگینی بیلدیریب.
کوناشنکوو قئید ائدیب کی، اوکراینا اوردوسونون سلاح و حربی تکنیکاسینین تعمیری مرکزی وورولوب.
هوجوم بؤلمهلریندهکی کؤنوللولر روسیا گونئی قوهلری قروپونون دونتسک ایستیقامتینده توپ و راکت بؤلمهلرینین دستکی ایله دونتسک خالق جمهوریتینین کراسنایا گورا قصبهسینی آزاد ائدیبلر.
کوناشنکوو بیلدیریب کی، سون 24 ساعات عرضینده اوکراینا قوهلرینه مخصوص امریکا اوره تیمی اولان 6 عدد چوخ لوله لی راکت لر هیمارس راکتی و 9 پیلوتسوز اوچوش آپاراتی وورولوب.
"بو گونه قدر اوکراینایا مخصوص 384 اوچاق، 207 هلیکوپتر، 3114 پیلوتسوز اوچوش آپاراتی، 404 هاوا هوجوموندان ساوونما سیستمی، 7852 تانک و زره لی آراج، 1017 چوخلولهلی راکت لر، 4082 توپ و خمپاره، 8363 شخصی حربی ماشین محو ائدیلیب"، -دئیه کوناشنکوو قئید ائدیب.