مسجیده ائدیلن سالدیریدا چوخ ساییدا اؤلو و یارالی وار
سالدیری سیراسیندا مسجیدده چوخ ساییدا اینسانین اولدوغونو بیلدیرن مسئوللار، اؤلو ساییسینین آرتاجاغی قایغیسینی دیله گتیریر
پاکیستانین خیبر پختونخوا ایالتینده بیر مسجیده تشکیل ائدیلن انتیحار سالدیریسی نتیجهسینده آرالاریندا پلیسلرین ده اولدوغو ۲۸ نفر حیاتینی ایتیردی.
اؤلکه مطبوعاتیندا چیخان خبرلره گؤره، شهرین پلیس لاینز بؤلگهسیندهکی مسجیده گۆن اورتا نامازی سیراسیندا انتیحار سالدیریسی ائدیلدی.
سالدیریدا ایلکین بیلگیلره گؤره، پلیس امکداشلاری دا داخیل اولماقلا ۲۸ نفر اؤلدو، ۱۵۰دن چوخ اینسان دا یارالاندی.
مسئوللار، یارالیلاردان بعضیلرینین وضعیتینین آغیر اولدوغونو بیلدیردی.
سالدیری سیراسیندا مسجیدده چوخ ساییدا اینسانین اولدوغونو بیلدیرن مسئوللار، اؤلو ساییسینین آرتاجاغی قایغیسینی دیله گتیریر.
پاتلاما سببی ایله مسجیدله یاناشی اطرافداکی بینا و ماشینلاردا دا خسارت اولوشدو.
سالدیرینین مسئولیتی هلهلیک اۆستونه آلان اولمادی.
پاکیستان طالبانی، سون زامانلار سالدیریلارینی آرتیردی.
پاکیستان طالبانی، ۲۸ نوامبردا سوسیال مئدیادان، ۱۰ میده تاریخینده ایسلام آباد یؤنهتیمی ایله باشلادیلان آتیشکسین سونا چاتدیغینی و عضولرینه اؤلکهده گۆونلیک گۆجلرینه سالدیری امری وئردیگینی آچیقلادی.
پاکیستان، پاکیستان طالبانینی ترور هؤرگوتو ساییر.
ایسلام آباد مرکزلی دۆشونجه قورولوشو گۆونلیک آراشدیرمالاری مرکزینین پایلاشدیغی بیلگیلره گؤره، پاکیستاندا گئچهن ایل ۵۰۶ ترور سالدیریسیندا ۲۹۰ گۆونلیک گۆجو، ۳۱۱ وطنداش توپلام ۶۰۱ نفر یاشامیندان اولدو، ۷۴۱ نفر یارالاندی.
پاکیستاندا ۲۰۲۲-جی ایلده ترور سالدیریلاری اؤنجهکی ایله گؤره یۆزده ۱۵ آرتدی.