ایتامار بن گویر اجتماعی یئرلرده فیلیسطین بایراغی‌نین آسیلماسینی قاداغان ائدیب
ناظیر بن گویر اؤزنون توییتر صحیفه سینده موضوع ایله باغلی ائتدیگی پای‌لاشیمدا دئییب.
1929978
ایسراییلین افراطی ساغچی میللی تهلوکه‌سیزلیک ناظیری ایتامار بن گویر اجتماعی یئرلرده فیلیسطین بایراغی‌نین آسیلماسینی قاداغان ائدیب.
ناظیر بن گویر اؤزنون توییتر صحیفه سینده موضوع ایله باغلی ائتدیگی پای‌لاشیمدا دئییب:
"بو گون من پولیسه فیلیسطین بایراغی‌نین و یا ترور تشکیلاتی ایله عینی‌لشن و یا ایسراییل دؤولتینه قارشی زوراکیلیغا تحریک ائدن هر هانسی بایراغین دالغالانماسینی قاداغا ائتمگی تاپشیرمیشام. بوتون گوجوموزله ترور و ترورو تشویق ائدیلمه‌سیله موباریزه آپاراجاغیق".
بن گویرین 40 ایلینی ایسراییل حبس‌خانا‌لاریندا کئچیرن فیلیسطین‌لی محبوس کریم یونوسون ژانویه‌نین 5-ده حیفاداکی آرا کندینده فیلسطین بایراق‌لاری آچیلا‌راق جوشقو ایله قارشیلانماسیندان سونرا بئله بیر قرار وئردیگی بیلدیریلیر.
