خامنهای، ایراندا داوام ائدن اعتراضلارلا باغلی دانیشدی
"باش اؤرتوسو قانونونا تام عمل ائتمهیهنلر هئچ واخت دینسیزلیک و اینقیلاب قارشیدلیغی ایله اوسوچلانمامالیدیر"
ایرانین دینی لیدئری علی خامنهای، اؤلکهدهکی مجبوری باش اؤرتوسو قایدالارینا تام عمل ائتمهیهن قادینلاری دینسیزلیک و رژیمه موخالیفت ایله اتهام ائدیلمهمهسی لازیم اولدوغونو سؤیلهدی.
ایران دؤولت تلویزیونونون خبرینه گؤره، علی خامنهای اؤلکهده "آنالار گونو" کیمی قوتلانان حضرت فاطمهنین دوغوم ایل دؤنومو دولاییسیلا باشکند تهراندا بیر قروپ قادینلا گؤروشودو.
گؤروشمهدن سونرا دانیشماسیندا، سپتامبر آییندا گنج بیر قادینین باش اؤرتوسو قایدالارینا عمل ائتمهدیگی سببیله پلیس نظارتینه آلینماسیندان سونرا اؤلومهسی اۆزرینه باشلایان و تخمیناً ۴ آی داوام ائدن اعتراضلارا توخونان خامنهای،
"سون حادثهلرده دوشمنین اومودو، حجاب قانونونا تام اولاراق عمل ائتمهیهن قادینلارین باش اؤرتوسونو تامامیله چیخارماسی ایدی آنجاق ایستدیکلری کیمی اولمادی" دئدی.
باش اؤرتوسونون دینی بیر مجبوریت اولدوغونو وورغولایان خامنهای،
"یعنی حجابین فرض اولدوغونا شوبهه یوخدور، بونو هامی بیلمهلیدیر. بو، شوبههسیز عمل ائدیلمهلی دینی بیر تعهددور، آنجاق باش اؤرتوسو قانونونا تام عمل ائتمهیهنلر هئچ واخت دینسیزلیک و اینقیلاب قارشیدلیغی ایله اوسوچلانمامالیدیر. باش اؤرتوسو ضعیف اولانلار بیزیم اؤز قیزلاریمیزدیر" ایفادهلرینی ایشلتدی.
تهراندا، بیر قادینین اخلاق پلیسی طرفیندن باش اؤزتوسو قانونونا اویمادیغی اوچون گؤزآلتینا آلیندیقدان سونرا اؤلمهسی ایله اؤلکهده اعتراضلار باشلامیشدی.
گؤستریلر زامانی یوزلرجه اینسانین حیاتینی ایتیردیگی آچیقلانمیشدی.