ارمنیستاندا اعتراض
آخشام ساعاتلاریندان اعتیباراً مجلیس اؤنوندهکی اعتراضچی ساییسی آرتارکن، پلیس مجلیسه گئدن یولو قاپاتدی
ارمنیستاندا، آذربایجانلا جبهه خطینده گیریشیلن تخریبات نتیجهسینده جان ایتکیلری وئریلمهسیندن سونرا باشباخان نیکول پاشینیان قارشیدی اعتراضچیلار، حکومتین استعفاسی اوچون باشکند ایرواندا پارلمان بیناسی اؤنونه توپلاندی.
ارمنی نیوز.آم خبر آژنسی ۴۴ گون داوام ائدن ایکینجی قاراباغ ساواشیندا (۲۰۲۰) حیاتینی ایتیرهنلرین یاخینلارینین مجلیس بیناسی قارشیسینا توپلاشاراق باشباخان نیکول پاشینیانا تپکی گؤستردیگینی آچیقلادی.
اعتراضچیلار پاشینیانا گۆون اویو/اعتیماد رایی وئریلمهمهسینی طلب ائدرک حکومتین استعفاسینی ایستهدی.
آخشام ساعاتلاریندان اعتیباراً مجلیس اؤنوندهکی اعتراضچی ساییسی آرتارکن، پلیس مجلیسه گئدن یولو قاپاتدی.
اعتراضچیلار ایسه پارلمان بیناسینین قاپیلارینی سیندیرماغا چالیشدی. نیکول پاشینیان قارشیدی شعارلار سسلهندیرهن و اونو استعفایا چاغیران اعتراضچیلار، پلیس سددینی یارماغا چالیشدی.
ساوونما باخانلیغینین یاییملادیغی آچیقلامادا، ۱۲ سپتامبر گئجهسی و ۱۳ سپتامبر سحری ارمنیستان اوردوسونون، آذربایجانلا سرحدین داشکسن، کلبجر، لاچین و زنگیلان ایستیقامتلرینده گئنیش تخریباتلار حیاتا گئچیردیگینی بیلدیرمیشدی. ایکی اؤلکهنین حربی بیرلیکلری آراسیندا شدتلی چاتیشما باشلامیشريال آذربایجان اوردوسو،۵۰ شهید وئریرکن، پاشینیان، "گۆنجل بیلگیلره گؤره، ایندیه دک ۱۰۵ عسگر اؤلدو" ایفادهسینی ایشلتمیشدی.