اوکراینادان مولدووایا کئچیدلر باشلادی
روسیانین هوجوملاریندان قاچان اوکراینالیلارین مولدووایا داخیل اولدوغو بیلدیریلیب.
مولدووا پرزیدنتی مایا ساندو سوسیال مئدیا حسابیندان ائتدیگی پیلاشیمدا بو گون اوکراینادان 4 میندن چوخ اینسانین مولدووایا کئچدیگینی بیلدیریب:
“حکومت پالانجا و اوجنیتا یاخینلیغیندا موقتی مسکونلاشما مرکزلری یارادیب. سرحدلریمیز تهلوکهسیز کئچیده و یا قالماغا احتیاجی اولان اوکراینا وطنداشلاری اوچون آچیقدیر".
بیرلشمیش میللتلر تشکیلاتینین قاچقینلار عالی کمیسارلیغینین (UNHCR) کمیساری فیلیپپو گراندی اوکراینالیلارین مولدووا سرحدینی کئچمهسینه ایجازه وئردیگی اوچون پرزیدنت ساندویا تشککور ائدیب.
فیلیپو گراندی “پرزیدنت ساند، اوکراینادان قاچان اینسانلارین مولدووا سرحدینی تهلوکهسیز کئچمهسینه ایجازه وئردیگینیز اوچون تشککور ائدیرم. بیرلشمیش میللتلر تشکیلاتینین قاچقینلار عالی کمیسارلیغی دا بیز، سیز اونلاری قبول ائدرکن اولوسلار آراسی دستکی سفربر ائتمک اوچون الیمیزدن گلنی ائدجییک” دئییب.
قئید ائدک کی، روسیا اوکراینانین دوغوسونداکی دونباس-داکی بولوجو حکومتلری تانیییب و فوریهنین 24-ده اوکراینا اراضیسینده حربی عملیاتا باشلاییب.