"طالبان" افغانیستان-دا داها بیر ویلایته نظارتی اله کئچیریب
"طالبان" افغانیستانین قوزیی ینده یئرلشن بدخشان ویلایتینده‌کی فیض آباد شهرینین نظارتینی اله کئچیریب.
"طالبان" افغانیستانین قوزیی ینده یئرلشن بدخشان ویلایتینده‌کی فیض آباد شهرینین نظارتینی اله کئچیریب.
بدخشان ویلایتی‌نین 27 شهریندن 25-ی "طالبان" سلاح‌لی‌لاری‌نین نظارتینده‌دیر. حکومت قوه‌لری بیر نئچه گون داوام ائدن آغیر دؤیوش‌لردن سونرا فیض آباد شهرینی ترک ائتمک مجبوریتینده قالیب.
"طالبان" سلاح‌لی‌لاری آیریجا آوقوستون 10-دا فراه و باگلان ایالت‌لری‌نین مرکزلری فراه و پلخمری شهرلرینه ده داخیل اولوب‌لار.
افغانیستانین قوزیی ینده‌کی ویلایت مرکزلری "طالبان"ین نظارتینه کئچدیک‌دن سونرا پرزیدنت اشرف غنی، سیاسی لیدرلر مارشال رشید دوستوم، محمد محاکیک، جمعه خان همدرد ایله بیرلیکده بلخ ایالتی‌نین مرکزی مزاری شریف شهرینه گئدیب.
بلخ والی‌لیگی‌نین یایدیغی معلوماتدا پرزیدنت غنی‌نین بلخ-ین سیاسی لیدری و یئرلی صلاحیت‌لی‌لری ایله تهلوکه‌سیزلیک توپلانتی‌سی کئچیردیگی بیلدیریلیب.
معلوماتدا قوزیی ینده‌کی تهلوکه‌سیزلیک مسئله‌لری‌نین موذاکیره ائدیلدیگی وورغولانیب.
رشید دوستومون مطبوعات ایشچی‌سی حبیب الرحمان کویاش ایسه ییغینجاقدا "طالبان"ین نظارتینده اولان قوزیی و قوزیی-دوغو ویلایت‌لرینده هرطرف‌لی بیر عملیات پلانلاشدیریلدیغینی بیلدیریب.
قئید ائدک کی، امریکانین افغانیستان‌دان حربی قوه‌لرینی چیخارماق قراریندان سونرا، هوجوم‌لارینی آرتیران "طالبان" اؤلکه‌نین اورتا آسیا ایله علاقه‌سینی تامین ائدن قوزیی ویلایت‌لری‌نین مرکزلرینه نظارتی بیر-بیری‌نین آردینجا اله کئچیریر.
سون 6 گونده "طالبان" بیری اؤلکه‌نین گونئی-باتی سیندا، بیری باتی دا، دیگر یئددی‌سی قوزیی و قوزیی – دوغو اولماقلا جمعی 9 ویلایتین نظارتینی افغانیستان حکومت قوه‌لریندن اله کئچیریب.
افغانیستان حکومتی هله ده 34 ویلایت مرکزیندن 25-نه نظارت ائدیر.
