روحانی: بیر میلیون یوز مین نفر ایشسیز قالدی
"احمق ترامپ 'ونتیلاتور ایسته‌سه‌نیز سیزه ۴ دنه گؤنده‌رک' دئیه مئساژ گؤندرمیشدی"
ایران جمهورباشقانی حسن روحانی، یئنی نسیل کوروناویروس سالقینی سببی ایله اؤلکه‌سین‌ده بیر میلیون ۱۰۰ مین نفرین ایشسیز قالدیغینی سؤیله‌دی.
اؤلکه‌نین مختلف ایالتلرین‌ده حیاتا گئچیریله‌ن چئشیدلی پروژه‌لرین آچیلیش مراسیمینه ویدئو کنفرانس یولویلا قاتیلان روحانی، دانیشماسیندا ایران‌داکی اقتصادی پروبلئملره توخوندو.
اسکی آمریکا بیرلشمیش دؤولتلری باشقانی دونالد ترامپین یئنی‌دن حیاتا گئچیردیگی تحریملرین قیمتلر و تورم باخیمین‌دان ایران خالقینین اوزرین‌ده آغیر بیر باسقی میدانا گتیردیگینی ایفاده ائد‌ن روحانی،
"کووید-۱۹ سببی ایله بیر میلیون ۱۰۰ مین نفر ایشسیز قالدی. بیر میلیون اینسانین ایشسیز قالماسی میلیونلارجا انسانی چتین‌لیکلرله قارشی-قارشییا قویور. اقتصادی ساواش، قوراقلیق و سئل، خالقین سورون یاشاماسینا سبب اولدو" دئدی.
سالقیندا تحریملردن قایناق‌لی بیر سلسله مانع‌لرله قارشیلاشدیقلارینی بیلدیر‌ن روحانی،
"ماسک ایسته‌ییردیک آنجاق کیمسه بیزه ماسک وئرمیردی. کیمسه بیزه تنفس جهازی وئرمیردی. احمق ترامپ 'ونتیلاتور ایسته‌سه‌نیز سیزه ۴ دنه گؤنده‌رک' دئیه مئساژ گؤندرمیشدی. من ده 'ایسته‌ییرسینیزسه بیز سیزه ۴۰ دنه گؤنده‌رک' دئدیم" ایفاده‌لرینی ایشلتدی.
ایلگیلی‌لی خبرلر
افغانیستان-دا داشقینلار: 14 نفر اؤلوب
افغانیستان-دا سون 3 گونده موختلیف ایالت‌لرده باش وئرن داشقینلار نتیجه‌سینده 14 نفر حیاتینی ایتیریب.
