ایسراییل پولیسی‌نین فیلیسطین‌لی گنج‌لره موداخیله‌سی داوام ائدیر

ایسراییل-ین ایشغال ائتدیگی دوغو قدس-ده تراویح نامازیندان سونرا فیلیسطین‌لی گنج‌لره بو اؤلکه‌نین تهلوکه‌سیزلیک قوه‌لری طرفیندن سرت موداخیله ائدیلیب.

معلوماتا گؤره مسجیدالقصی-دا تراویح نامازینی قیلدیقدان سونرا دوغو قدس-ده‌کی ایچری شهرین "شام داروازاسی" یاخینلیغیندا توپ‌لاشان فیلیسطین‌لی گنج‌لره ایسراییل پولیسی سرت موداخیله ائدیب. بؤلگه‌دن الده ائدیلن معلوماتا گؤره حادثه‌ده یارا‌لانان اولماسا دا شنبه گونو ائدیلن موداخیله نتیجه‌سینده ایکی فیلیسطین‌لی گنج یارالانیب.

قئید ائدک کی، رمضان آیی‌نین باشلاماسی ایله ایسراییل پولیسی شام داروازاسی قارشی‌سیندا اوتورولا‌جاق ساحه‌لری باریکاتلارلا باغلاییب. فیلیسطین‌لی گنج‌لر ایسه بونا اعتراض اولا‌راق تراویح نامازیندان سونرا شام داروازاسیندا توپلاشیب‌لار. ایسراییل پولیسی‌نین ایسه بونون قارشی‌سینی آلماق اوچون ایلک گوندن باشلاتدیغی موداخیله‌نین شدتی آرتیرا‌راق داوام ائدیر.