ایراندا ۷۹ نفر گؤزآلتینا آلیندی
گؤزآلتینا آلینان شخصلرین بصره کؤرفزینه ساحلی اولان بیر اؤلکه‌ده تحصیل گؤردوکلری ادعا ائدیلدی
ایران اطلاعات باخانلیغی، خوزیستان ایالتین‌ده بنزین قیمتینین آرتیشی اعتراضلارییلا ایلگیلی ۷۹ نفرین گؤزآلتینا آلیندیغینی آچیقلادی.
ایران مئدیاسینا گؤره، اطلاعات باخانلیغیندان وئریله‌ن یازی‌لی آچیقلامادا، گؤستریلرده دؤولت و اؤزل مولکلره یؤنه‌لیک سالدیریلار ائدن ۷۹ نفر، یانلارینداکی مختلیف سلاح و مهماتلارلا گؤزآلتینا آلیندی" ایفاده‌لرینه یئر وئریلدی.
آچیقلامالاردا آیریجا سؤز قونوسو شخصلرین بصره کؤرفزینه ساحلی اولان بیر اؤلکه‌ده تحصیل گؤردوکلری ادعا ائدیلدی.
آمریکا تحریملرینین ده تاثیری ایله اقتصادی باخیم‌دان چتین گونلر گئچیره‌ن ایران خالقی، ۱۵ نوامبردا بنزین قیمتین ۳ قات آرتیشی آچیقلانماسینین آردین‌دان بیر چوخ شهرده گؤستریلر تشکیل ائتمیشدی.
گؤستریلرده، دؤولت بینالاری، بانکلار، پمپ بنزینلر و مارکتلر داغیدیلمیشدی.
حادثه‌لرله ایلگیلی هله ایران مقاملاری طرفین‌دن اؤلو، یارالی و گؤزآلتیلار حاقین‌دا رسمی بیر آچیقلاما ائدیلمزکه‌ن، اولوسلارآراسی عفو هؤرگوتو گؤستریلرده ان آز ۱۶۱ نفرین اؤلدویونو بیلدیردی.
