ایران‌دان لبنان آچیقلاماسی
"خالقین مشروع طلبلرینه دینج شرایط‌ده جاواب وئریلمه‌سی لازیم‌دیر"
ایران، لبنانداکی طرفلره بیرلیک چاغریسی ائتدی.
ایران خاریجی ایشلر باخانلیغی سؤزچوسو عباس موسوی، لبنان باشباخانی سعد الحریرینین استعفاسی ایله باغلی وئردیگی یازی‌لی آچیقلامادا، اولکه‌ده‌کی گوونلیک و ثابیتلیگین قورونماسی اوچون بوتون قروپلار، پارتیلر و شخصیتلر آراسین‌دا بیرلیگین تامین ائدیلمه‌سینین ضرورتینه ایشاره ائتدی.
موسوی،
"لبنان خالقی و حکومتینین بو حساس و تهلوکه‌لی دؤورو اوغورلا گئچمه‌سینی آرزولاییریق. خالقین مشروع طلبلرینه دینج شرایط‌ده جاواب وئریلمه‌سی لازیم‌دیر" ایفاده‌لرینی ایشلتدی.
لبنان‌دا ۱۷ اکتبردا اقتصادی وضعیت و وئرگیلره قارشی باشلایان اعتراضلار، تکنوکراتلاردان اولوشان مستقیل کیچیلدیلمیش یئنی بیر حکومت طلبیله داوام ائدیر.
باشباخان حریری، ۲۱ اکتبردا اقتصادی بحرانی یونگوللشدیرمک مقصدیله بعضی قرارلار قبول ائتدیگینی آچیقلادی، آنجاق بو قرارلار دا اعتراضلاری دوردورمامیشدی. حریری بونون اوزرینه "لبنان‌لیلارین یوکسک چیخارلارینی مدافعه ائد‌جک یئنی بیر حکومتین یارادیلماسینا قناعت گتیردیگینی" قید ائد‌رک استعفاسینی پرزیدنت میشل عونا سونموشدو.
