ایکینجی اتم الکتریک مرکزینین تملی آتیلاجاق
صالحی، مرکزین ۶ ایل ایچینده خیدمته باشلاماسینی پلانلاشدیردیقلارینی ایفاده ائتدی
ایران اتم انرژی‌سی قورومو باشقانی علی اکبر صالحی، اؤلکه‌نین ایکینجی اتم الکتریک مرکزینین تملینین گلن آی آتیلاجاغینی دئدی.
صالحی، ایران دؤولت مئدیاسین‌دا یئر آلان آچیقلاماسین‌دا یئنی اتم الکتریک مرکزینین ده ایلکی کیمی بصره کؤرفزی ساحلین‌ده‌کی بوشهر ایالتین‌ده اینشا ائدیله‌جگینی بیلدیردی.
بوشهر ۲ نؤمره‌لی اتم الکتریک مرکزینین تملینین آگوستون اورتالارینا دوغرو آتیلاجاغی معلوماتینی وئره‌ن صالحی، مرکزین ۶ ایل ایچینده خیدمته باشلاماسینی پلانلاشدیردیقلارینی ایفاده ائتدی. صالحی، ۸ ایل سونرا دا ۳ نؤمره‌لی بوشهر اتم الکتریک مرکزینین حاضر اولاجاغینی دیله گتیردی.
ایران اتم انرژی‌سی قورومو باشقانی صالحی، آیریجا، اراک رآکتورون‌داکی یئنیله‌مه ایشلرینین آمریکانین نوکلئر آنلاشمادان چکیلمه‌سین‌دن سونرا اینگیلتره و چینین ایش بیرلیگین‌ده، یولون‌دا گئتدیگینی سؤزلرینه علاوه ائتدی.
