"ایران اوردوسو سالدیری حاضیرلیغیندا"
بیلگینین آمریکایا اسراییل استخباراتی طرفیندن وئریلدیگی ادعا ائدیلدی
آمریکا اوردوسو، ایران اوردوسو و ایران دستکلی گوجلرین، اورتا دوغوداکی عسگرلرینه سالدیری حاضیرلیغیندا اولدوغونو ادعا ائتدی.
"یواساس آبراهام لینکلن" اوچاق گمیسی ساواش قروپو ایله بیر بومباردمان وظیفه قروپونون اورتا دوغویا گؤندریلمهسینه دایر سواللارا، آمریکا بیرلشمیش دؤولتلری مرکز گوجلر قوموتانلیغی (CENTCOM) و آمریکا بیرلشمیش دؤولتلری آوروپا گوجلری قوموتانلیغی (EUCOM) یازیلی جاواب وئردی.
لینکلن اوچاق گمیسی و بومباردمان وظیفه قروپونون بؤلگهیه سؤوق ائدیلمهسینین سنتکام قوموتانی کنت مککنزینین طلبی ایله آمریکا بیرلشمیش دؤولتلری ساوونما باخانینین وکیلی پاتریک شنهنین اونای ایله ائدیلدیگینی بیلدیرهن سنتکام سؤزچوسو آلبای بیل اوربان،
"مرکز گوجلر قوموتانلیغی، سون زامانلاردا ایران و ایران دستکلی گوجلرین بؤلگهدهکی آمریکا بیرلشمیش دؤولتلری عسگرلرینه قارشی سالدیری حاضیرلیغیندا اولدوغونا دایر آچیق اشارهلر گؤرمهسی اوزرینه گوج طلب ائتدی" دئدی.
اوچاق گمیسی قروپونون بؤلگهیه گؤندریلمهسینین یالنیز آمریکا بیرلشمیش دؤولتلری عسگر و چیخارلارینی قوروماغا یؤنهلیک اولدوغونو ایفاده ائدن اوربان، "بیلگی قایناقلارینی" و "بیلگیلرین الده ائدیلمه اصوللارینی" دلیل گؤسترهرک ایرانین سالدیری حاضرلیغینا دایر آیرینتیلارا گیرمکدن چئکیندی.
اوربان، عراقدا آمریکا بیرلشمیش دؤولتلری عسگرلرینه قارشی بیر تهدید اولوب اولمادیغینا دایر سوال اوزرینه، سنتکامین ایران رژیمیندن ایرلی گلن بیر چوخ جدی سالدیری دالغاسینی تعقیب ائتدیگینی ساووندو.
بؤلگهیه ائدیلهن داشیمالارین تدبیر آماجلی اولدوغونو قید ائدن اوربان،
"ایران رژیمینی، اوردوسونو، ایران اینقیلاب محافظلرینی و اوزانتیلارینی یاخیندان ایزلهییریک و آمریکا بیرلشمیش دؤولتلری گوجلرینی و چیخارلارینی ساوونماق اوچون یاخشی قونوملانمیش دورومداییق" دگرلندیرمهسینی وئردی.
اوربان، بومباردمان وظیفه گوجونه دایر ایسه آمریکا بیرلشمیش دؤولتلری هاوا گوجلرینه باغلی و نوکلئر سلاح داشیما گوجونه صاحب ب-۵۲ تیپی بومباردمان اوچاقلارینین بؤلگهیه سؤوق ائدیلدیگینی قید ائتدی.
یواساس آبراهام لینکلن اوچاق گمیسی وظیفه قروپو، بیر مانور اوچون ایتالیا ساحللرینده ایدی.
آغ ائو میللی گوونلیک مشاوری جان بولتون اؤنجهکی گون، اوچاق گمیسینین، بیر بومباردمان وظیفه گوجو ایله کؤرفزه یؤنلندیریلدیگینی آچیقلامیشدی.
بولتون، بو انتقالی ایران رهبرلیگینه "آچیق و کسین بیر مئساژ" اولاراق دگرلندیرمیشدی.
استخبارات ایسراییلدن
آمریکان مئدیاسیندا یئر آلان بعضی خبرلرده، ایسراییل استخباراتینین آمریکا بیرلشمیش دؤولتلرینه ایرانین بؤلگهدهکی آمریکا بیرلشمیش دؤولتلری عسگرلرینه قارشی سالدیری حاضیرلیغیندا اولدوغو بیلگیسینی چاتدیرماسی ایله واشینگتونون سؤزوگئدن قراری آلدیغی ادعا ائدیلیر.
ایسراییل استخباراتینین ایکی هفته اؤنجه آغ ائوده گؤروشمه زامانی ایرانین محتمل بیر نئچه پلانینی آمریکا رهبرلیگینه چاتدیردیغی قید ائدیلرکن، ایران، عراق، سوریه، سعودی عربیستان و بیرلشمیش عرب امیرلیکلری باشدا اولماق اوزره بؤلگهده آمریکا بیرلشمیش دؤولتلرینه عایید هدفلره سالدیری ائدجگی بیلگیسینین وئریلدیگی ایرلی سورولموشدو.
ایلگیلیلی خبرلر
افغانیستان-دا داشقینلار: 14 نفر اؤلوب
افغانیستان-دا سون 3 گونده موختلیف ایالتلرده باش وئرن داشقینلار نتیجهسینده 14 نفر حیاتینی ایتیریب.