خامنهای: سونوجسوز قالاجاق
"گوجلو میللتیمیز و اویاق مسئوللاریمیز، اگر چوخ چالیشسالار چیخمازلاری گئچهجکلر"
ایران لیدئری آیتالله علی خامنهای اؤلکهسینین احتیاج دویدوغو قدر نفت صادر ائتمهیه داوام ائدجگینی و آمریکا بیرلشمیش دؤولتلرینین ایران نفتینی صیفیرلاما گیریشیملرینین سونوجسوز قالاجاغینی دئدی.
ایران لیدئری خامنهای، باشکند تهرانداکی ایقامتگاهیندا بؤیوک بیر ایشچی قروپونو قبولوندا ائتدیگی چیخیشیندا، آمریکا بیرلشمیش دؤولتلرینین معافیتلری سونا چاتدیرماسینی دگرلندیردی.
خامنهای،
"اونلارین سعیلری بیر نتیجه چیخارمایاجاق. احتیاجیمیز قدر نفتی صادر ائتمهیه داوام ائدجییک. اونلار دوشمنچیلیک گیریشیملرینین جاوابسیز قالمایاجاغینی بیلمهلیدیر" دئدی.
آمریکا بیرلشمیش دؤولتلرینین ایرانا دیز چؤکدورمک ایستهدیگینی دیله گتیرهن خامنهای،
"ایرانین نفت صادراتینی دوردوراجاقلارینی خیال ائدیرلر اما گوجلو میللتیمیز و اویاق مسئوللاریمیز، اگر چوخ چالیشسالار چیخمازلاری گئچهجکدیر. بو نؤوع نفت ساتیشلارینا نه قدر آز آسیلی اولساق او قدر چوخ تقدیر ائدیلهجک و بو بیزیم اوچون داها دا یاخشی اولاجاقدیر" ایفادهلرینی ایشلتدی.
آغ ائودهن بازار ارتهسی گونو وئریلهن یازیلی آچیقلامادا، داها اول ایران نفت تحریملریندن معاف توتولان تورکیهنین ده داخیل اولدوغو ۸ اؤلکهیه یئنی معافیت حاقی وئریلمهیهجگی بیلدیریلمیشدی.