۳۸ وطنداش اؤلدورولدو
"سون دؤورده آرتان و مولکی یاشاییش یئرلرینی هدف آلان بو سالدیریلار ساواش سوچودور"
سوریه‌ده بشار اسد رژیمی گوجلرینین، "ادلب گرگین‌لیگی آزالتما بؤلگه‌سینده‌کی" یئرلشیملره، ۱۲-۲۰ فوریه‌ده آرتیردیغی سالدیریلاردا، ۳۸ وطنداش حیاتینی ایتیردی، ۱۰۰ نفر یارالاندی.
مولکی ساوونما (آغ دبیلقه‌لیلر) باشقانی رائد صلاح، اسد رژیمی گوجلرینین، حماه ویلایتین‌ده مخالیفلرین کنترلوندا‌کی یاشاییش یئرلرینه ۱۲-۲۰ فوریه‌ده ائتدیگی سالدیریلاردا ۲سی قادین ۳ وطنداشین اؤلدویونو، ۵ی قادین، ۵ی اوشاق اولماقلا ۲۵ وطنداشین یارالاندیغینی دئدی.
مولکی ساوونما‌نین اینترنت سایتین‌دان وئریله‌ن یازی‌لی آچیقلامادا دا، اسد رژیمی و ایران دستک‌لی خاریجی تروریست قروپلارین، بو دؤورده ادلب ایالتین‌ده‌کی مولکی یئرلشیملرده ۱۱ی قادین، ۱۳و اوشاق ۳۵ نفری اؤلدوردویو، ۹و قادین، ۲۲سی اوشاق ۷۵ نفری یارالادیغی قید ائدیلدی.
سالدیریلاردا هدف آلینان یئرلرده بؤیوک میقیاس‌لی مادی ضررلرین میدانا گلدیگی ایفاده ائدیله‌ن آچیقلامادا، ادلبین خان شیخون ائلچه‌سینه ائدیله‌ن بومباردمانلاردا ۳ اوخولون هدف آلیندیغی، بیر چؤرک‌خانانین یارارسیز حالا گلدیگی و چوخ ساییدا وطنداشین ائولرینی ترک ائد‌رک، نیسبتا داها تهلوکه‌سیز بؤلگه‌لره کؤچ ائتدیگی بیلدیریلدی.
آچیقلامادا،
"سون دؤورده آرتان و مولکی یاشاییش یئرلرینی هدف آلان بو سالدیریلار ساواش سوچودور. ضامن اؤلکه‌لرین الده ائتدیگی آتیشکس پوزونتوسودور. سیاسی پروسه‌نی انگلله‌ییر" ایفاده‌لری یئر آلدی.
ادلبده‌کی تخمیناً ۴ میلیون وطنداشین قورونماسی لازیم اولدوغونون وورغولاندیغی آچیقلامادا، ضامن اؤلکه‌لر رژیم گوج‌لرینه باسقی گؤسترمه‌یه دعوت ائدیلدی.
رژیم گوجلری، تورکیه و روسیا آراسین‌دا ادلبده‌کی آتیشکسی ساغلاملاشدیرماق اوچون ایمضالانان سوچی آنلاشماسینا باخمایاراق سالدیریلارینا آرا وئرمه‌دی.
حربی مخالیفلر ایسه ۱۷ سپتامبر ۲۰۱۸ده ایمضالانان آنلاشمانین نظرده توتدوغو بؤلگه‌لر‌دن آغیر سلاحلارینی ۱۰ اکتبر ۲۰۱۸ده چکمیشدی.
