۲ مین ۷۰۰ اوشاق ساواش میدانیندا
۲۰۱۵دن بو یانا ۶ مین ۷۰۰دن چوخ اوشاق حیاتینی ایتیردی
یمنده چاتیشان طرفلر ۲ مین ۷۰۰ اوشاغی سلاح آلتینا آلدی.
بیرلشمیش میلتلر اوشاقلارا یاردیم صاندیغینین (یونیسف)، یمن افیسینین تویتر حسابیندان وئریلن یازیلی آچیقلامادا، چاتیشان طرفلرین ۲ مین ۷۰۰ اوشاغی زورلا سلاح آلتینا آلدیغی، هابئله یمنلی قیزلارین اوچده ایکیسینین ۱۸ یاشینا چاتمادان اره گئتدیگی بیلدیریلدی.
یمنده چاتیشمالاردان ان چوخ ضرر گؤرهنلرین اوشاقلار اولدوغو وورغولانان آچیقلامادا، اوشاقلارین چاتیشمالارین هدفی اولماماسی لازیم اولدوغو وورغولاندی.
یونیسفدن اؤتن آی وئریلن آچیقلامادا، یمنده ۲۰۱۵دن بو یانا ۶ مین ۷۰۰دن چوخ اوشاغین حیاتینی ایتیردیگی بیلدیریلمیشدی.
اوزون مدتدیر سیاسی استقرارسیزلیغین حؤکم سوردویو یمنده حوثیلر، سپتامبر ۲۰۱۴دن بو یانا باشکند صنعا و بعضی بؤلگهلرین کنترلونو الینده ساخلاییر.
سعودی عربیستان رهبرلیگی آلتینداکی کوالیسیون گوجلری ایسه مارس ۲۰۱۵دن بری حوثیلره قارشی یمن حکومتینه دستک وئریر.
یمنده ۴ ایلدن چوخدور باش وئرهن چاتیشمالاردا مینلرجه اینسان حیاتینی ایتیردی.
دونیانین ان فقیر اؤلکهلری آراسیندا یئر آلان یمنده ایچ ساواش سببی ایله بؤیویهن اینسانی بحران دا قورخونج حده چاتدی.
ایلگیلیلی خبرلر
افغانیستان-دا داشقینلار: 14 نفر اؤلوب
افغانیستان-دا سون 3 گونده موختلیف ایالتلرده باش وئرن داشقینلار نتیجهسینده 14 نفر حیاتینی ایتیریب.