ایران: دگری یوخدور
"پروبلئم یالنیز نوکلئر آنلاشما و ایران دئییل"
ایران، آمریکا بیرلشمیش ایالتلری ایله ائدیلهجک هر هانسی بیر آنلاشمانین اؤزو اعتباریله دگری اولمایاجاغینی بیلدیردی.
رسمی سوسیال مئدیا حسابیندا، آمریکانین آیاناف آنلاشماسیندان چکیلمهسینی دگرلندیرهن ایران خاریجی ایشلر باخانی محمد جواد ظریف، واشینگتن رهبرلیگینی تنقید ائتدی.
ترامپ رهبرلیگینین، بیر تعهدوندان داها گئری چکیلدیگینی و بو سفر ده روسیا ایله ائدیلهن اورتا منزیللی نوکلئر گوجلر (آیاناف) آنلاشماسیندان آیریلدیغینی خاطیرلادان ظریف، "پروبلئم یالنیز نوکلئر آنلاشما و ایران دئییل. ائله گؤرونور کی، بو قروپون، آلتیندا آمریکا ایمضاسی اولان هر شئیه قارشی آلرژیسی وار. نتیجه اولاراق آمریکا ایله ائدیلهجک هر هانسی بیر آنلاشمانین اؤزو اعتباریله بیر دگری یوخدور. بو، کنگرهده تصدیق ائدیلمیش بیر آندلاشما بئله اولسا دگرسیزدیر" ایفادهسینی ایشلتدی. آمریکا خاریجی ایشلر باخانی مایک پومپئو، اؤلکهسینین سووئتلر بیرلیگی ایله ۱۹۸۷.جی ایلده ایمضالادیغی، منزیلی ۵۰۰ ایله ۵ مین ۵۰۰ کیلومتر آراسیندا اولان و نوکلئر باشلیق تاخیلابیلن موشکلرین قاداغان ائدیلمهسینی نظرده توتان آیاناف آنلاشماسیندان تک طرفلی اولاراق چکیلهجگینی آچیقلامیشدی.
آنلاشمانین لغوی حالیندا سلاحلانما یاریشینین سرعتلهنهجگی و بو یاریشین آوروپا گوونلیگینی تهدید ائدجگی ایفاده ائدیلیر.
آمریکا، تکنیکی اولاراق ۶ آیلیق مدتین سونوندا، آنلاشمادان تامامیله آیریلمیش اولاجاق.