ایراندا ۳۰ تن پاتلاییجی اله گئچیریلدی
بو پاتلاییجیلارین بؤیوک قیسیمی قصر قند بؤلگهسینده اؤلدورولن انصارالفرقان آدلی سلاحلی قروپون لیدئری جلیل قنبرزهی طرفیندن اؤلکهیه داخیل ائدیلمیش
![ایراندا ۳۰ تن پاتلاییجی اله گئچیریلدی](http://cdn.trt.net.tr/images/xlarge/rectangle/3931/c5f8/36ae/5c308d8ccd25b.jpg?time=1719271442)
ایرانین گونئی سرحدلرینده سون ایکی ایلده تخمیناً ۳۰ تن پاتلاییجی اله گئچیریلدی.
اینقیلاب محافظلری قدس گوجو قرارگاه باشچیسی محمد مارانی، ایرانین گونئیینده تئز تئز بومبالی سالدیریلارا معروض قالدیقلارینی سؤیلهیهرک، بو چرچیوهده تشکیل ائدیلهن عملیاتلاردا سون ایکی ایلده تخمیناً ۳۰ تن پاتلاییجی مادهنین گوونلیک گوجلری طرفیندن اله گئچیریلدیگینی ایفاده ائتدی.
ایران مئدیاسیندا یئر آلان خبره گؤره مارانی، بو پاتلاییجیلارین بؤیوک قیسیمینین ۲۰۱۷.جی ایلده چابهار شهرینه باغلی قصر قند بؤلگهسینده اؤلدورولن انصارالفرقان آدلی سلاحلی قروپون لیدئری جلیل قنبرزهی طرفیندن اؤلکهیه داخیل ائدیلدیگینی دیله گتیردی.
ایراندا اکثریتله سنیلرین یاشادیغی پاکیستان سرحدیندهکی سیستان و بلوچستان ایالتینده گوونلیک گوجلرینه ایستیقامتلی سالدیریلار تشکیل ائدن انصارالفرقان هؤرگوتو، حزب انصار ایران ایله الفرقان آدلی ایکی قروپون بیرلشمهسیله ۲۰۱۳.جو ایلده قورولدو. انصارالفرقان هؤرگوتونون لیدئرلیگینی ۲۰۱۵.جی ایله قدر هاشم عزیزی، ۲۰۱۵.جی ایلدهن ۲۰۱۷ده قدر ایسه جلیل قنبرزهی یئریتمیشدی.
ایلگیلیلی خبرلر
![ایسرائیل خاریجی ایشلر ناظیری: ایرانی دوردورمالیییق](http://cdn.trt.net.tr/images/medium/rectangle/17e3/c42e/77eb/5a3245312b22e.jpg?time=1719271442)
ایسرائیل خاریجی ایشلر ناظیری: ایرانی دوردورمالیییق
کاتز ایران راکئتلرینین آوروپا اؤلکهلرینی و بوتون آزاد دونیانی تهدید ائتدیگینی ادعا ائتدی