نتانیاهودان لبنانا تهدید

ایسرائیلین باش ناظیری، بنیامین نتانیاهو ایسرائیلین کانال 17 تلویزیونونا وئردگی موصاحیبه‌ده لبنان سرحدین‌د‌کی وضعیت و غزه‌دکی ساواش ایله باغلی قیمتله‌ندیرمه‌لر ائدیب.

"اؤلکه‌نین شیمالین‌داکی وضعیتی بئله ترک ائتمه‌یه حاضر دئییله‌م. بونون اوچون حاضرلیق گؤروروک"، - دئیه‌ن نتانیاهو بونونلا باغلی پلانلارینین آیرینتیلارینی مطبوعاتا آچیقلایا‌بیلمه‌یه‌جگینی بیلدیریب.

غزه‌دکی ساواش ایله باغلی دانیشان نتانیاهو، "غزه‌ده گرگین چاتیشما مرحله‌سی بیتمک‌ده‌‌دیر و من هماس‌ی محو ائتمه‌دن ساواشی دایاندیرماغا حاضیر دئییله‌م. ایسرائیل غزه‌ده فیلیسطین‌لیلرله امکداش‌لیق ائد‌رک سیویل حوکومت قورماق ایستییر" دئدی.

اوکتیابرین 7-دن غزه زولاغینا حوجوملارینی داوام ائتدیر‌ن ایسرائیل شیمال سرحدین‌ده ده لبنان حزب‌الله‌ی ایله دؤیوشور. لبنان و ایسرائیل آراسین‌دا "ماوی خط" آدلانان سرحد خطین‌ده سون هفته‌لرده گرگین‌لیک آرتماق‌دادیر.

ایسرائیل اوردوسو ایونون 18-ده لبنانا مومکون هوجوم اوچون "عملیات پلانینی" تصدیقلدیینی آچیقلاییب.

ایسرائیلین خاریجی ایشلر ناظیری ایسرائیل کاتز ایونون 21-ده وئردگی آچیقلامادا حزب‌الله‌ین ایسرائیل تورپاقلارینا و وطنداشلارینا حوجوملارینا ایجازه وئریله بیلمه‌یه‌جگینی و تئزلیکله لازی‌می قرارلاری آلاجاقلارینی بیلدیریب.