حدیده-ده آتشکس قراری

یمن-ین حدیده شهرینده توققوشان طرف‌لر آراسینداکی آتشکس قراری قوه‌یه میندی.

بمت-نین نظارتینده سوئد-ده کئچیریلن گؤروش‌لرده یمن-‌لی طرف‌لر آراسیندا قبول ائدیلن سازیشه گؤره، حدیده-ده گئجه یاری‌سی آتشکس قوه‌یه میندی.

یمن خالقی اوچون حیاتی اهمیت کسب ائدن حدیده لیمانی و شهری اوچون قبول ائدیلن سازیشه گؤره، بمت-نین لیماندا رهبرلیک رولونو اوزرینه گؤتورمه‌سی، یمنه اینسانی یاردیم‌لارین چاتدیریلماسینا ایمکان یارادیلماسی و بونونلا دا میلیون‌لارلا یمن‌لی‌نین حیات شرایطی‌نین یاخشیلاشدیریلماسی گؤزلنیلیر.

شهرده دونن حکومت قوه‌لریله حوثی لر آراسیندا سون بیر هفته‌دیر داوام ائدن توققوشما‌لارین شدتلندیگی بیلدیریلیب.

قئید ائدک کی، بمت-نین باش کاتیبی آنتونیو گوترش دسامبرین 13-ده سوئد-ده باشا چاتان یمن موضوع لو مصلحت لشمه‌لردن سونرا یایدیغی آچیقلامادا یمن خالقی اوچون حیاتی اهمیت داشییان حدیده لیمانی و شهری اوچون طرف‌لرین راضیلیغا گلدیک‌لرینی اعلان ائتمیشدی.