آمریکانین قوزئی اوجن بلدیه باشقانی، افغانیستاندا اؤلدورولدو
برنت تیلور، بلدیه باشقانی وظیفه‌سینی موقتی اولا‌راق دوندوروب، میللی موحافیظ گوج‌لری ایله افغانیستانا گئتمیشدی
آمریکانین یوتا ایالتیندکی قوزئی اوجن بلدیه باشقانی برنت تیلور، افغانیستاندا خیدمت ائدرکن تشکیل اولونان سالدیریدا اؤلدو
برنت تیلور، بلدیه باشقانی وظیفه‌سینی موقتی اولا‌راق دوندوروب، میللی موحافیظ گوج‌لری ایله افغانیستانا گئتمیشدی.
باشکند کابیلده خیدمت ائدن 39 یاش‌لی ستوان برنت تیلورون، بیر سالدیری نتیجه‌سینده اؤلدورولدوگو بیلدیریلیب.
موضوع ایله باغلی نیظامی مقاملاری وئردیگی آچیقلامادا، "یوتا ایالتی‌نین 17 مین اها‌لی‌لی قوزئی اوجن شهری‌نین بلدیه باشقانی اولان و عینی زاماندا دا دولتین میللی موحافیظ گوجونده ده وظیفه‌لی 7 اوشاق آتاسی 39 یاش‌لی ستوان برنت تیلور، بیر ایل مدتینه موقتی وظیفه اوچون گئتدیگی افغانیستانین باشکندی کابیلده اؤلموش‌دور" دئییلدی.
ستوان برنت تیلورون، داها اوّل ایکی دفعه عراقدا و بیر دفعه ده افغانیستاندا خیدمت ائتدیگی آچیقلانیب.
دیگر طرف‌دن، افغانیستاندا طالبان گوج‌لری 17 ایلدیر داوام ائدن ساواش‌دا، آمریکان اوردوسونا منسوب 2 مین 400دن آرتیق وظیفه‌نین اؤلدورولدوگو معلوم‌دور.
