عراقدا یئنی حکومت، رسمی اولاراق وظیفهیه باشلادی
وظیفه'نی سلفی حیدر العبادی'دن تحویل آلان عبدالمهدی، مجلیسدن اونای آلان کابینهنین وظیفهسینه رسمن باشلادیغینی بیلدیرهرک، اطرافلی و معین بیر زامان تقویمینه باغلی شکیلده بیر حکومت پروقرامی حاضیرلادیقلارینی دئییب
عراقین یئنی باش ناظیری عادل عبدالمهدی رهبرلیک ائتدیگی حکومت، رسمی اولاراق وظیفهیه باشلادی.
باشکند بغدادداکی باش ناظیرین ساراییندا کئچیریلن مراسیمله وظیفه'نی سلفی حیدر العبادی'دن تحویل آلان عبدالمهدی، مجلیسدن اونای آلان کابینهنین وظیفهسینه رسمن باشلادیغینی بیلدیرهرک، اطرافلی و معین بیر زامان تقویمینه باغلی شکیلده بیر حکومت پروقرامی حاضیرلادیقلارینی دئییب.
عبادی حکومتینین تهلوکهلی بحرانلاری اوغورلا کئچدیگینی قئید ائدن عبدالمهدی، اساس هدفلرینین اوزون ایللر بویو اذیت چکن عراق خالقینین احتیاجلارینی اؤدمک اولدوغونو ایفاده ائتدی.
عبدالمهدی همچینین عراقین کودتا و قانلی تلاشلارلا دئییل، دینج اصوللارلا ایداره ائدیله'جگینی بیلدیرهرک، اؤلکهدکی یوخسوللوق، ایشسیزلیک، اجتماعی امنیت، سو و الکتریک کیمی پروبلملره حلّ ائتمهیه چالیشاجاقلارینی وورغولاییب.
کئچمیش باش ناظیر عبادت ده مراسیمده چیخیش،
عراق، مالیه، مذهبچی و امنیت بحرانینی آشدی. یئنی حکومت، دولت باشقا اونسورلارین الینده اولان سیلاحلاری کونترول ائتمک و خالقا ریفاه دولو بیر حیات تقدیم ائتمه مسئلهلری ایله اوز-اوزه". دئدی.
حاکمیتین باریشچیل شکیلده دئور ائدیلدیگینه دقتی چکن عبادت، اؤلکهدکی حاکمیت دؤور بویونلاریندا داها اوّل بونون گؤرولمه'دیگینی وورغولایاراق، یئنی حکومته مسئولیتلرینی یئرینه یئتیرمک نقطهسینده اوغورلار آرزولاییب.
عبدالمهدی حکومتینده یئر آلان 22 ناظیردن 14و دونن مجلیسدن اونای آلدیقدان سونرا آند ایچهرک وظیفهلرینه باشلامیشدی.
یئنی حکومتده ایچ ایشلر، ساوونما، پلانلاما، عالی تحصیل، ائگیتیم، عدلیه، مدنیت ایله گؤچ و گؤچمنلر ناظیرلیکلری سئچیله'مدی.
عراق مجلیسینده سؤزقونوسو ناظیرلیکلر اوچون 6 نوامبردا یئنیدن اوتوروم کئچیریلهجک.
ایلگیلیلی خبرلر
افغانیستاندا هلیکوپتر دوشدو
غور ویلایتینین فیروز کوه شهرینده عسگری هلیکوپتر، هریرود چایینین ساحلینه دوشدو