تورکیه‌دن ادلیب و لاذقیه-یه اینسانی یاردیم

تورکیه سون بیر آیدا سوریه-نین ادلیب و لاذقیه بؤلگه‌سینه 145 ماشین قورو قیدا، دفترخانا لوازیمات‌لاری، داوا و پالتار گؤندریب.

تورکیه قیزیل آینین سرحد یاردیم‌لاری عملیاتی‌نین رهبری هاکان ساری ایچ ساواشین باشلادیغی 2011-جی ایلدن بری احتیاجی اولان سوریه-لیلرین یانیندا اولماغا چالیشدیق‌لارینی بیلدیردی.

بو چرچیوه‌ده ادلیب و لاذقیه شهرلرینه اینسانی یاردیم فعالیت‌لرینی داوام ائتدیردیک‌لرینی قئید ائدن ساری: "قوروموموزون و موختلیف خئیریه چیلرین تحفه لری ایله ادلیب شهری و لاذقیه-نین تورکمن داغی و جبل اکراد  بؤلگه‌سینه 30 گونده 145  تیر و یوک ماشینی اینسانی یاردیم گؤندریلیب. ایچری‌سینده 960 مین چؤرک، 150 تون قورو ارزاق، 28 تون سو، 145 مین پارچا پالتار، 305 مین داوا و طبی لوازیمات، 900 تون اون، 2 مین 400 دفترخانا لوازیماتی و 1800 پاکت تمیزلیک لوازیماتی‌نین اولدوغو یاردیم‌لار بؤلگه‌ده احتیاجی اولان‌لارا چاتدیریلیب" دئدی.

ساری بؤلگه‌نین احتیاج‌لارینا گؤره اینسانی یاردیم‌لارا داوام ائتدیریله جگینی سؤیله‌دی.