"ایران تحریملرینه اویاجاییق"

عراق پرزیدنتی فواد معصوم، آمریکانین ایرانا قویدوغو تحریملره اویمالارینین چتین اولاجاغینی سؤیلرکن، اولوسلارآراسی توپلومون عضوو اولان بیر دؤولت کیمی بو قرارلارا تابع اولاجاقلارینی بیلدیردی.

معصوم، "الحره عراق" تلویزیونونا وئردیگی موصاحیبه‌ده،

"عراقین وضعیتی و ایران ایله ایلیشکییمیزین طبیعتی گریی آمریکانین ایرانا تحریملرینه رعایت ائتمه‌ییمیز چتین اولار" دئدی.

معصوم، عراقین حاضیرداکی چاتیشما اورتامیندا طرف اولماماسی لازیم اولدوغونو دا قید ائتدی.

عراق باشباخانی حیدر العبادی ده بغداددا مطبوعات کنفران‌سیندا مسئله‌یه توخوناراق،

"عراق اولاراق اولوسلارآراسی تحریملره قارشیییق. عراق، بونون تجروبه‌سینی یاشادی. تحریملر اؤلکه‌نی و خالقی یوردو" دئیه دانیشدی.

عینی زامان‌دا عراق خالقینی دوشونه‌رک حرکت ائد‌جکلرینی بیلدیره‌ن عبادی،

"ایرانا تحریملرله ایلگیلنمه‌یه‌جییک، آنجاق خالقیمیزین ضرر گؤرمه‌مه‌سی اوچون بونا تابع اولاجاییق. نتیجه‌ده بیز ده اولوسلارآراسی اقتصادی سیستمین خاریجین‌ده قالابیلمریک" ایفاده‌لرینی ایشلتدی.

ایران-عراق آراسین‌دا ۹ سرحد قاپی‌سی وار.

عراق، قونشوسو ایران‌دان بؤیوک اؤلچوده ارزاق، تیکینتی، ساغلیق لوازمی، الکتریک و یاناجاق وارد ائدیر.