نواز شریفین پارتیسیندن 100دن چوخ اینسان گؤز آلتینا آنیلیب
پاکیستان مطبوعاتی، توتوخلامالارین لاهور شهرینده دونن گئجه باشلادیغینی یازدی
یاسا دیشی ایشلر و روشوت ادعا‌لاری ایله 10 ایل زیندانا محکوم ائدیلن کئچمیش پاکیستان باش ناظیری نواز شریفین اؤلکه‌یه قاییدیشی اؤنجه سینده پارتیسی‌نین 100دن چوخ اینسان گؤز آلتینا آنیلیب.
پاکیستان مطبوعاتی، توتوخلامالارین لاهور شهرینده دونن گئجه باشلادیغینی یازدی.
خبرلرده، پاکیستان موسلمان لیگی- نواز (PML-N) پارتیسیندن ایالت مجلیسی عضو‌لری، شهر مجلیسی عضو‌لری و شریفین گیدیشینین آنونسونو ائدن چالیشان‌لارین دا آرا‌لاریندا اولدوغو 100ون اوزرینده اینسانین توتوخلاندیغینی بیلدیریلدی.
پاکیستان موسلمان لیگی نین هاوادارلاری، توتوخلامالارا اعتراض مقصدیله پارتی ایشچی‌لری‌نین و عضو‌لری‌نین توتولدوغو پولیس مرکزلری‌نین قارشی‌سینا گئتدی.
بورادا مطبوعاتا آچیقلاما وئرن کئچمیش دمیر یول‌لاری ناظیری هاواژا سعد رفیق،
100دن چوخ یولداشیمیز، پارتی عضووموز و ایشچیمیز توتوخلاناراق لاهور باشین‌داکی فرق‌لی پولیس مرکزلرینه آپاریلیب." دئیه دانیشدی.
شریفی قارشیلاماق ایسته‌ین اینسان‌لارین باریشچیل شکیلده هاوا لیمانینا گئتمه‌لرینی ایسته‌ین رفیق،
بعضی گوجلر چاتیشما موحیطی‌نین یارانماسینی ایستییر آنجاق بیز یاخین‌لاشان سئچیم‌لر اؤنجه‌سی کونترولو ایتیرمک ایستمیریک." ایفاده‌لرینی ایستیفاده ائتدی.
پاکیستانین Geo News خبر سایتینا دانیشان پاکیستان موسلمان لیگی نین لیدری شاهباز شریف ده توتوخلامالارا اعتراض گؤستره‌رک،
زینداندان قورخموروق، لیدریمیزی قارشیلایاجاغیق. بو، بیزیم آنایاسا حقوقوموز. من ده جمعه گونو هاوا لیمانینا گئده‌رک نواز شریفی قارشیلایاجاغام." دئدی.
کئچمیش باش ناظیر شریفین حاقین‌داکی یاسا دیشی و روشوت ادعالاریندان آچیلان 3 جینایت ایشی‌نین ایلکی کئچن هفته نتیجه لنمیشدی.
شریف، 10 ایل زیندان و 8 میلیون ایسترلینگ پول جزاسینا محکوم ائدیلمیشدی.
اینگیلتره‌نین باشکندی لندن ده معا‌لیجه گؤرن یولداشینی زیارت ائتمک اوچون رمضان بایرامی عرفه‌سینده بو اؤلکه‌یه گئدن شریف، حاقیندا چیخان زیندان قراری‌نین آردیندان پاکیستانا دؤنجگینی آچیقلامیشدی.
پاکیستاندا 2013-2017 ایللری آراسیندا باش ناظیر اولان شریفله بیرلیکده زیندان جزاسی آلان قیزی مریم ده صاباح اؤلکه‌یه قاییدا‌جاق
