"ایرانا قارشی ۱۵ گون ایچریسینده ساواش"

ایسراییل استخباراتی موساد اسکی باشقانی تامیر پاردو، بنیامین نتانیاهونون ۲۰۱۱ده "ایرانا ۱۵ گون ایچری‌سین‌ده ساواش آچماسی" اوچون ایسراییل اوردوسونا امر وئردیگینی دئدی.

یئرلی بیر تلویزیونا دانیشان پاردو، نتانیاهونون ساواش امرینین مانور آماجلی اولمادیغینی بیلدیردی.

پاردو، بو قراری ایرانا ساواش آچماق اوچون و یا آمریکایا ایران مسئله‌سین‌ده باسقی قورماق اوچون آلدیغینا ایناندیغینی دئدی.

ساواش امرینی آلدیقدان سونرا استعفا ائتمه‌یی دوشوندویونو بیلدیرن پاردو، امرین ندن اویقولانمادیغی باره‌ده ایسه بیلگی وئرمه‌دی.

اسکی باشباخان و ۲۰۱۱ده‌کی نتانیاهو حکومتین‌ده ساوونما باخانی وظیفه‌سین‌ده اولان ایهود باراک، بنیامین نتانیاهونون ۲۰۱۰ و ۲۰۱۱ده ایرانی بومبالاماق ایستدیگینی آنجاق ایسراییل‌لی اوست سویه یؤنتیجیلرین بو پلانا قارشی چیخدیغینی دیله گتیرمیشدی.