ایسرائیل قودس-ده 300 مین یئنی ائو تیکمیی پلانلاشدیریر
ایسرائیل حکومتی ایشغال آلتینداکی دوغو قودسدکی یهودی یاشاییش منطقهلرینه علاوه اولاراق 300 مین یئنی منزیل تیکمیی پلانلاشدیریر.
![ایسرائیل قودس-ده 300 مین یئنی ائو تیکمیی پلانلاشدیریر](http://cdn.trt.net.tr/images/xlarge/rectangle/edc5/4a7b/041e/59e9a288c1cb4.jpg?time=1718598821)
ایسرائیل حکومتی ایشغال آلتینداکی دوغو قودسدکی یهودی یاشاییش منطقهلرینه علاوه اولاراق 300 مین یئنی منزیل تیکمیی پلانلاشدیریر.
ایسرائیل-ین "کانال 10" تلویزیونون خبرینه گؤره، اؤلکهنین آبادانلیق ناظیری یواو گالانت "ایسرائیل-ین پایتاختی بیرلشمیش قودسون تورپاقلاریندا منزیل تیکمه"آدی آلتیندا 300 مین یئنی منزیل تیکمه پلانینی آچیقلادی.
ایسرائیل-ین یئنی ائولری هانسی یهودی یاشاییش منطقهلرینده تیکیلهجگی بارهده معلومات وئریلمهییب. خبرده همین پلانین ایسرایل حکومتینین داها اول آچیقلادیغی و ایشغال آلتینداکی دوغو قودسون اطرافیندا یئرلشن یهودی یاشاییش منطقهلرینین قودسه باغلانماسینی نظرده توتان "بؤیوک قودس" پلانینین بیر حیسهسی اولدوغو وورغولانیب.
گالانتین بو آچیقلاماسینین امریکا پرزیدنتی دونالد ترامپ-ین قودسو ایسرائیل-ین پایتاختی کیمی اعلان ائتمهسیندن اوچ هفته سونرا وئرمهسی دقت چکدی.
فیلیسطین خاریجی ایشلر ناظیرلیگی خبره رئاکسیا گؤسترهرک بیلدیردی کی، ایسرائیل-ین هدفی قودسو اطرافینداکی فیلیسطین یاشاییش منطقهلریندن آییرماق و "ایشغال دؤولتینه" بیرلشدیرمکدیر. بو مستملکه چی جسارت ترامپ-ین قودس قراری اولماسایدی اولمازدی. ایشغال دؤولتینین فیلیسطین خالقینا، تورپاغینا و مقدس دیرلرینه ایستیقامتلی آتاجاغی آدیم و پوزونتولاریندان ترامپ و اونون رهبرلیگی مسئولدور.