PTT سوریه-نین قوزیینده شعبه‌لر آچا‌جاق
تورکیه‌نین پست و تلگراف ایداره‌سی (PTT) سوریه-نین قوزینده ترور تشکیلاتی داعش-دن تمیزلنن الباب قصبه‌سی ایله چوبان بی منطقه‌سینده شعبه‌لر آچماغا حاضیرلاشیر.
تورکیه‌نین پست و تلگراف ایداره‌سی (PTT) سوریه-نین قوزینده ترور تشکیلاتی داعش-دن تمیزلنن الباب قصبه‌سی ایله چوبان بی منطقه‌سینده شعبه‌لر آچماغا حاضیرلاشیر.
تورکیه سوریه-نین قوزینده کئچن ایل آوقوستون 24-ده باشلانیلان "فرات قالخانی" عملیاتیندا داعش-دن تمیزلنن بؤلگه‌لرده تعلیم، ساغلیق و تهلوکه‌سیزلیک ساحه‌لرینده کؤمک‌لیک گؤستریر.
PTT -نین بؤلگه‌ده آچاجاغی شعبه‌لرله بو دستکه قیسا مدت عرضینده پست، بانک و لجستیک خیدمت‌لرین ده علاوه اولوناجاغی گؤزلنیلیر.
تورکیه سیلاح‌لی قوه‌لری‌نین دستکلدیگی آزاد سوریه اردوسونون فوریه آییندا قورتاردیغی باب قصبه‌سینده PTT -نین خیدمت گؤسترجگی بینانین تمیر ایشلری باشا چاتیب.
PTT باب ایله یاناشی کیلیس-ین Elbeyli قصبه‌سی‌نین قارشی‌سیندا، سوریه طرف‌دکی Çobanbey بؤلگه‌سینده ده حاضیرلیق‌لارینی داوام ائتدیریر.
تورکیه‌نین غازی آنتپ شهرینین قارشی‌سینا توش گلن جرابلس-دا دا کئچن آی PTT شعبه‌سی آچیلمیشدی. آنجاق شعبه‌نین رسمی آچیلیشی هله اولماییب.
