روحانی:" سوریه-نین گله‌جگینی خاریجی قوه‌لرین حاکمیتینه بوراخیلمایاجاق"
ایران پرزیدنتی حسن روحانی سوریه-نین گله‌جگینی خاریجی قوه‌لرین حاکمیتینه بوراخیلا بیلمه‌یه‌جگینی و بو اؤلکه‌نین تورپاق بوتؤو‌لوگونو مدافعه ائتمه‌یه داوام ائده‌جک‌لرینی بیلدیردی.
ایران پرزیدنتی حسن روحانی سوریه-نین گله‌جگینی خاریجی قوه‌لرین حاکمیتینه بوراخیلا بیلمه‌یه‌جگینی و بو اؤلکه‌نین تورپاق بوتؤو‌لوگونو مدافعه ائتمه‌یه داوام ائده‌جک‌لرینی بیلدیردی.
ایران رسمی آژانسی "ایرنا"نین معلوماتینا اساساً، روسیانین سوچی شهرینده بوگون باش توتا‌جاق اوچ طرفلی ذیروه ییغینجاغینا قاتیلماق اوچون تهران‌دان حرکت ائتمه‌دن آچیقلاما وئرن روحانی دئییب کی، سوریه-نین گلجیی خاریجی‌لرین حاکمیتینه ترک ائدیلمه‌یه‌جک و بونا بو اؤلکه‌نین خالقی قرار وئره‌جک‌دیر.
روحانی تورکیه، روسیا و ایرانین ضمانتیندکی آستانا پروسه‌سیله بو موضوع‌دا داها اویغون‌لاشان آددیم‌لار آتماغا باشلادیق‌لارینی خاطیرلادا‌راق دئییب کی، سوچی-ده بوگون تورکیه‌نین جمهور باشقانی رجب طیب اردوغان و روسیا پرزیدنتی ولادیمیر پوتین ایله کئچیرجگیمیز گؤروش سوریه-نین گلجیی باخیمیندان بؤیوک اهمیت داشیییر. بئله ییغینجاق‌لار اؤلکه خالقی‌نین دوشونجه‌لرینی عکس ائتدیره‌جک سوریه-لی قروپ‌لارین گله‌جک‌لرینی معینلشدیرمک آدیندان آرا‌لاریندا کئچیره‌جک‌لری دانیشیق‌لارا ایمکان یاراتما‌لی‌دیر.
