روسیا ائلچیسی اؤلو تاپیلدی
روس دیپلوماتین، داها اؤنجه مصر، یمن، عربیستان و رواندادا وظیفهلی اولدوغو قید ائدیلدی
![روسیا ائلچیسی اؤلو تاپیلدی](http://cdn.trt.net.tr/images/xlarge/rectangle/6b3d/ca16/dfb7/599e76d93a031.jpg?time=1718556074)
روسیانین سودان ائلچیسی میرگایاس شیرینسکی، ائوینده اؤلو تاپیلدی.
روسیا خاریجی ایشلر باخانلیغیندان وئریلن آچیقلامادا، شیرینسکینین سودانین باشکندی خارطومداکی رسمی قونوتوندا اؤلو تاپیلدیغی ایفاده ائدیلدی.
آچیقلامادا، اؤلوم سببی هله بیلینمهین 62 یاشینداکی روس دیپلوماتین، سوداندا 2013دن بو یانا ائلچیلیک وظیفهسینی یئریتدیگی، داها اول ده مصر، یمن، عربیستان و رواندادا وظیفهلی اولدوغو قید ائدیلدی.
سودان خاریجی ایشلر باخانلیغی دا اولایی دوغرولادی. باخانلیق سؤزچوسو غریبالله الهادار دا یازیلی آچیقلاماسیندا، "روسیا ائلچیسی میرگایاس شیرینسکی، خارطومداکی ائوینده وفات ائتدی" ایفادهلرینه یئر وئردی.
سودانین روسیا خالقینا، حکومتینه و ائلچی شیرینسکینین یاخینلارینا باشساغلیغی دیلهدیگینی بیلدیرن هادار، شیرینسکینین ایکی اؤلکه آراسینداکی ایلیشکیلری گلیشدیرمک اوچون چوخ چابا صرف ائتدیگینی وورغولادی.