ایران اعتراض ائتدی
"بیزه گؤره نوکلئر آنلاشما پوزولدو. اویغون و متناسب بیر تپکی گؤستره‌جییک"
ایران، آمریکا پرزیدنتی دونالد ترامپین اونایلادیغی یاسا‌لاشان تحریم‌لرین، 2015.جی ایلده الده اولونان نوکلئر آنلاشمایا ضد اولدوغونو بیلدیردی.
خاریجی ایشلر باخانی معاوینی عباس عراقچی ایسنا خبر آژانسینا،
"بیزه گؤره نوکلئر آنلاشما پوزولدو. اویغون و متناسب بیر تپکی گؤستره‌جییک" دئدی.
کنگره و سنادا گئچن هفته اونای‌لانان تحریم‌لر، ایرانین، بالیستیک راکئت پروگرامی و ترور هؤرگوت‌لرینه یاردیملاری دلیللرینه دایانیر.
آمریکا خاریجی ایشلر باخانلیغی، ایران‌لی 18 قوروم یا دا فردین یئنی تحریم‌لردنائتکیله‌نه‌جیینی آچیقلامیشدی.
آچیقلامادا؛
"آمریکا، ایرانین اورتا دوغو‌داکی بؤلگه‌سل ثابت‌لیگی، گوونلیگی و زنگین‌لیگی ضعیفله‌دن خبیث فعالیت‌لرین‌دن چوخ راحاتسیز‌لیق دویور" دئییلمیش، تهران رهبرلیگی‌نین، (سوریه‌ده) اسدین اؤز خالقینا ائدیگی ظلمه باخمایا‌راق، اسد رژیمینه اصرارلی دستگینی قورودوغو، آیریجا، حوثی عصیانچی‌لاری دستکله‌یه‌رک یمن‌دکی ساواشی اوزاتدیغی یازیلمیشدی.
