آمریکا، سوریه‌نی بیر داها وورابیلر
سؤزچو شان اسپایسر، سوریه‌یه یئنی سالدیریلار دوزنله‌نه‌بیله‌جگینی سؤیله‌دی
"سوریه‌یه یئنی سالدیریلار اولا بیلر"
آچیقلاما آغ ائودن گلدی.
سؤزچو شان اسپایسر، سوریه‌یه یئنی سالدیریلار دوزنله‌نه‌بیله‌جگینی سؤیله‌دی.
اسپایسر، تشکیل ائتدیگی مطبوعات کنفرانسیندا،
"اگر کؤرپه‌لره سیمیایی سلاحلا سالدیریر، گناه‌سیز اینسان‌لارا قارشی بومبا قوللانیرسانیز بو باشقان‌دان (دونالد ترامپ) بیر قارشیلیق گؤرجکسینیز. آمریکانین اورتادوغوداکی بیر نؤمره‌لی اؤنجه‌لیگی داعشدیر آنجاق اسد رهبرلیگی آلتیندا ثابت و گوونلی بیر سوریه خیال ائده‌بیلمیریک" دئدی.
آمریکا ساوونما باخانی جیمز متیس ایسه، 6 آوریلده شعیرات هاوا مرکزینه تشکیل ائدیلن سالدیریدا اسد رژیمی اوچاقلاری‌نین یوزده 20سی‌نین یوخ ائدیلدیگینی بیلدیردی.
متیس، یازی‌لی آچیقلاماسیندا؛
"پرزیدنت دونالد ترامپین، گله‌جکده شیمیایی سالدیریلاری جایدیرماق و اسد، اولوسلارآراسی حقوقا ضد و یوخ ائدیلدیگی اعلان ائدیلن شیمیایی سلاح‌لارلا گناه‌سیز اینسان‌لاری اؤلدوررکن آمریکانین سس‌سیز قالمایاجاغینی گؤسترمک اوچون بو آددیمی آتما تعلیماتی وئردی" ایفاداه‌لرینه یئر وئردی.
متیس؛ آمریکانین بشار اسد رژیمینه عاید شعیرات هاوا مرکزی‌نین تاماهاک موشکلریله وورماسی‌نین، رژیمین ادلب خان شیخوندا شیمیایی سلاح ایستیفاده ائتمه‌سینه قارشی اؤلچولو بیر آددیم اولدوغونا دقت چئکدی.
آچیقلامادا؛
"شعیرات هاوا حربی مرکزی، سیلاحلاندیرما قابیلیتینی ایتیردی، بو نقطه‌ده پیستلرین ایستیفاده ائدیلیر اولا‌بیلمه‌سی، حربی اولا‌راق بؤیوک بیر اؤنم عرض ائتمیر" دئدی.
متیس، سوریه رژیمینه، بیر داها شیمیایی سلاح قوللانماسینین عاغیل‌سیزجا اولاجاغی اویاریسی ائتدی.
