القاعده‌نین ایکینجی آدامی اؤلدورولدو

ترور هؤرگوتو القاعده‌نین ایکی نؤمره‌لی آدامی ابوالخیر المصری‌نین سوریه‌نین ادلب شهرینده اؤلدورولدوگو ادعا ائدیلدی.

ایسراییلده یاییملانان آروتز شوا آدلی قزئتین خبرینه گؤره، مصری، دونن آمریکا لیدئرلیگین‌دکی کوالیسیون گوج‌لرینه عاید بیر اینسان‌سیز هاوا آراجی سالدیریسی نتیجه‌سینده اؤلدورولدو.

خبر، هله رسمی اولا‌راق تصدیق ائدیلمه‌دی آنجاق، اورتادوغو آراشدیرماچی‌لاری‌نین دوغرولادیغی مصری‌نین اؤلوم خبرینه دایر، سوسیال مئدیادا بیر چوخ فوتوگراف و ویدئو یایینلاندی.

گئچن آی دا القاعده‌نین خاریجی عملیاتلاریندان‌ مسئول اولدوغو بیلینن محمد حبیب بوسعدون التونسی‌نین، ادلبده‌کی بیر هاوا سالدیریسیندا اؤلدورولدوگو بیلدیریلمیشدی.

القاعده‌نین لیدئری ایمن الظواهری‌نین کؤمکچی‌سی اولان 1957 مصرده دوغولان مصری، مصر ایسلامی جیهاد عضوو اولا‌راق 80.جی ایللرده اؤلکه‌نی ترک ائتمیشدی.

1990.جی ایللرده بوسنی‌ده‌کی ساواشا قاتیلان مصری، پاتلاییجی متخصصی اولا‌راق بیلینیر.

1998.جی ایلده کنیا و تانزانیادا آمریکا ائلچی‌لیک‌لرینه تشکیل ائدیلن سالدیری‌لارین آرخاسین‌داکی شخص اولان مصری، اوسامه بن لادنین قیزییلا ائولی ایدی.

11  سپتامبر سالدیری‌لاری سونراسی آمریکانین افغانیستانی ایشغا‌لی سیراسیندا ایرانا قاچان مصری، 2003.جو ایلده توتوقلاندی، 2015.جی ایلده بوراخیلدی، گئچن ایل ده سوریه‌یه گئچدی.