دمشق-ین سو پروبلمی حل اولور
دمشق رهبرلیگینین آچیقلاماسینا گوره، بارادا وادی‌سین‌دکی 12 کندین اها‌لی‌سی اسد رژیمی‌نین تخلیه تکلیفینی قبول ائتدی.
دمشق رهبرلیگینین آچیقلاماسینا گوره، بارادا وادی‌سین‌دکی 12 کندین اها‌لی‌سی اسد رژیمی‌نین تخلیه تکلیفینی قبول ائتدی.
بعضی موخالیف قروپلار دمشق-ه سو تامین ائدن سدین اولدوغو بارادا وادی‌سینی ترک ائتمه‌یه باشلادی. اونلارین آراسیندا 60-ا یاخین سلاحلی موخالیف ده واردیر.
موخالیف قروپلاریندان بعضی‌لری ایسه بارادا وادی‌سینده قالا‌ماقدا اصرار ائدیرلر.
کندلردن بعضی‌لرینده ایسه شدت‌لی توققوشما‌لارین اولدوغو بیلدیریلدی.
دمشق والیسی راضیلاشما‌دان سونرا رژیم قوه‌لری‌نین وادی‌یه گیرجگینی و سو سیستمی‌نین تعمیر ایشلرینه باشلانیلاجاغینی آچیقلادی.
بارادا وادی‌سی پایتاخت دمشق-ین سو ایله تامین اولونماسی اوچون حیاتی اهمیته مالیک‌دیر. چاتیشمالار سبب ایله دسامبرین 22-دن بری‌دیر دمشقه سو وئریله بیلمیر. بیرلشمیش میللتلر تشکیلاتی‌نین مسئول لاری سالقین خسته‌لیک‌لرین یاییلاجاغین‌دان ناراحات‌دیر.
بو آرادا اسد رژیمی موخالیفلرین نظارتین‌دکی بؤلگه‌لره یونلیک هاوا هوجوم‌لارینی دا داوام ائتدیریر.
شرقی گوتا، جنوبی حلب و ادلیب-ه ائدیلن هوجوم‌لاردا جان ایتکی‌سی‌نین اولدوغونا دایر خبرلر یاییلیر.
