چین-پاکیستان اکونومیک یوللاری چرچیوهسینده گوادر لیمانی ایستیفادهیه گیردی
چیندن پاکیستانا تریلیلرله گئدن ماللار، چین بایراقلی گمییه یوکلندی
چین-پاکیستان اکونومیک یوللاری چرچیوهسینده تیکیلن، پاکیستانین بلوجیستان ایالتیندکی گوادر لیمانی ایستیفادهیه گیردی.
چیندن پاکیستانا تریلیلرله گئدن ماللار، چین بایراقلی گمییه یوکلندی.
آردیندان ایلک ایخراجات گمیسی مراسیمله یولا چیخدی.
مراسیمده دانیشان پاکیستان باش ناظیری نواز شریف، بین الخالق تیجارت اوچون چین دستکلی لیمانی ایستیفاده ائتمهلری حالیندا، خاریجی سرمایهچیلره ان اوست سویه امنیتی تامین ائدهجکلرینی سؤیلهدی.
گوادر لیمانینین ایشلتمهسینی، 2013-جی ایلده چینلی بیر فیرما 40 ایللیگینه ساتین آلدی.
بو چرچیوهده، چین ایله پاکیستان آراسیندا 46 میلیارد دولارلیق انرژی و آلت یاپی آنلاشمالاری ایمضالانیب.
چین، 3 مین کیلومترلیک یول تیکهرک، گوادر ایله کاشغرین بیر-بیرینه باغلاماغی هدف قویور.
چین-پاکیستان اقتصادی یولو اولاراق آدلاندیریلان بو پروژه ایله، عینی مسیر اوزرینه قطار یوللاری و گاز-نفت بورو خطلری دا تیکیلمهسی پلانلاشدیریلیر.
گوادر لیمانی، اورتا آسیا، جنوبی آسیا و یاخین شرقی بیر-بیرینه باغلایان ایستراتژیک بیر نقطهده یئر آلیر.
بو لیمانین تام گوجو عملیات حالیندا دنیز یولو داشیمالاری موضوعسوندا بؤلگهده رقابت آلوولاناجاق.
لیمانین هیند اوقیانوسونا بیرباشا نقلیاتا ایمکان وئرمهسی ده اقتصادی و ایستراتژی دگرینی آرتیریر.
چینین نیظامی هدفلری آراسیندا هیند اوقیانوسوندا رقیبسیز بیر دنیز گوجو اولماق، ایلک سیرالاردا یئر آلیر.