پوتین و سارکیسیان گؤروشدو
ایکی لیدر کرملین سارایینداکی باش-باشا گؤروشمهنین آردیندان اورتاق مطبوعات کونفرانسی تشکیل ائتدی
پوتین و سارکیسیان گؤروشدو
روسیا دولت باشقانی ولادیمیر پوتین، ارمنیستان و آذربایجانین آنلاشمازلیقلارینی قازانان و ایتیرن اولمادان آنلاشاراق حلّ ائتمیی اومید ائتدیکلرینی سؤیلهدی.
کرملیندن ائدیلن آچیقلامایا گؤره، پوتین، ارمنیستان پرزیدنتی سرژ سارکیسیان ایله موسکوادا بیر آرایا گلدی.
ایکی لیدر کرملین سارایینداکی باش-باشا گؤروشمهنین آردیندان اورتاق مطبوعات کونفرانسی تشکیل ائتدی.
پوتین، سارکیسیان ایله گؤروشمهسینده ایکیطرفلی علاقهلری، تیجارت و یاتیریم مسئلهلری ایله بعضی اهمیتلی بؤلگهسل پروبلملری اله آلدیقلارینی سؤیلهدی.
ارمنیستانین پایتختی ایرواندا ژوئیه آییندا بیر پولیس بؤلمهسینه تشکیل ائدیلن سالدیری و گیروو حادثهسینی شدتله قینادیقلارینی ایفاده ائدن پوتین، ارمنیستانین روسیانین قاباقدا گلن موتتفیقلریندن اولدوغونو بیلدیردی.
روسیانین داغلیق قاراباغ پروبلمینه ده اولدوقجا اهمیت وئردیگینی دیله گتیرن پوتین، ایکی قونشو اؤلکه آراسینداکی گرگینلیگی آزالدماق ایستدیکلرینی ایفاده ائتدی.
پوتین،
"ایروان و باکی ایله بیرباشا ایرتیباط ایچریسینده، قاراباغداکی پروبلمین حلّینه کؤمک ائتمک اوچون الیمیزدن گلنی ائتمهیه داوام ائدجگیک. ارمنیستان و آذربایجانین آنلاشمازلیقلارینی قازانان و ایتیرن اولمادان آنلاشاراق حلّ ائدجگینی اومید ائدیریک." دئیه دانیشدی.
روسیا دولت باشقانی پوتین، مثبت کئچدیگینی سؤیلهدیگی گؤروشمهنین نتیجهلرینین چوخ یؤنلو ایستراتژی روسیا-ارمنیستان اورتاقلیغی ایله بؤلگهسل ثابتلیک و گوونلیگه قاتقی وئرجگینی ایفاده ائتدی.
ارمنیستان پرزیدنتی سارکیسیان دا، ایکی اؤلکه آراسینداکی علاقهلرین ان یوکسک سویهده اولدوغونو ایفاده ائتدی.
اؤلکهلر آراسینداکی باغلاری گئنیشلددیکلرینی یازان سارکیسیان، گؤروشمهده داغلیق قاراباغ موضوعسونو دا اطرافلی دانیشدیقلارینی دیله گتیردی.