سوریه‌ده داعشین جبله و طرطوس شهرلرینده ائتدیگی سالدیریلاردا اؤلن‌لرین سایسی 148،ه یوکسلدی
سالدیری‌لار، بیرلشمیش میللت‌لر تشکیلاتی‌نین باش کاتیبی، فرانسا و آمریکا طرفین‌دن قیناندی
سوریه‌ده ترور تشکیلاتی داعشین اسد رژیمی‌نین الین‌دکی جبله و طرطوس شهرلرینده ائتدیگی 7 آیری اینتیحار سالدیریسیندا اؤلن‌لرین سایسی 148،ه یوکسلدی.
جبله‌دکی سالدیریلاردا 100، طرطوس‌داکی سالدیریلاردا دا 48 نفرآدام اؤلدو، توپلام 200 نفر ده یارالاندی.
موخالیف قایناق‌لار، داعشین النصیریه‌لری هدف آلان سون سالدیری‌لاریندا 2 بومبا یوک‌لو واسطه ایله 5 اینتیحار آکتیویستی ایستیفاده ائدیلدیغی ائشیتدیریر.
سالدیری‌لار، بیرلشمیش میللت‌لر تشکیلاتی‌نین باش کاتیبی، فرانسا و آمریکا طرفین‌دن قیناندی.
آمریکا خاریجی ایشلر ناظیری جان کری، روسیا خاریجی ایشلر ناظیری سئرگئی لاوروو ایله بیر تلفون گؤروشمه‌سی ائتدی.
کری، لاوروو‌دان اسدین اقتداری بوراخماسی اوچون راضی ائتمه‌سینی ایسته‌دی، بونون داعش ایله موباریزه‌یه قاتقی‌سی اولاجاغینی ساووندو.
واشینگتون، تلفون گؤروشمه‌سینده، موسکوانین ائتدیگی "داعشه قارشی اورتاق هاوا حرکاتی" تکلیفی‌نین اله آلیندیغینی ایسه تصدیقلمه‌دی.
آمریکا خاریجی ایشلر ناظیرلیگی ایسپیکری مارک تونر، یازیلی آچیقلاما ائده‌رک، سوریه‌نین غربینده یئر آلان، رژیمین نظارتینده اولان ساحل شهرلری طرطوس و جبله‌ده میدانا گلن سالدیری‌لاری قینادیق‌لارینی وئرمیش‌دیر.
اسد رژیمی‌نین شدت حادثه‌لرینه سون وئرمه‌سی ایستیقامتینده چاغیریش ائتدیگی آچیقلامادا، تونر، بو ایفاده‌لره یئر وئردی:
"بو جور سالدیری‌لار چاتیشما‌لارین دایاندیریلماسی راضیلاشماسی ایله تطبیق اولونور. ناظر کری بو سحر روسیا خاریجی ایشلر ناظیری سئرگئی لاوروو ایله بیر تلفون گؤروشمه‌سی ائده‌رک موضوعنو گوندمه گتیردی و لاوروو رژیم گوج‌لری‌نین شام و حلب بؤلگه‌سینده ده سیویل‌لره یؤنلیک سالدیری‌لاری‌نین سول تاپماسی اوچون باسقی ائتمه‌سینی سؤیله‌دی."
ایسپیکر تونر، روسیا و آمریکا آراسیندا، سوریه‌ده اورتاق هاوا عملیات‌لاری دوزنلمه‌یه دایر بیر راضیلاشما اولمادیغینی ایفاده ائده‌رک، "بیز بئله بیر عملیات دوشونموروک" شکلینده دانیشدی.
روسیا خاریجی ایشلر ناظیرلیگی ایسه، داعشه قارشی اورتاق عملیات موضوعسونون کری-لاوروو گؤروشمه‌سینده گوندمه گلدیگینی قارشییا قویدو.
