خردل گازی قوللانیلدیغی ادعا ائدیلیر
آغ ائو میلی گوونلیک شوراسی‌نین سؤزچوسو، ترور هؤرگوتو داعشین کیمیاسال سلاح ایستیفاده ائتدیگینه دایر ادعا‌لاری چوخ جدی قبول ائتدیک‌لرینی سؤیله‌دی
آمریکالی یئتکیلی‌لر عراقدا داعشین پئشمرگه‌‌لره قارشی کیمیاسال سلاح ایستیفاده ائتدیگی ادعا‌لارینی آراشدیریر.
آغ ائو میلی گوونلیک شوراسی‌نین سؤزچوسو آلیستر باسکی، ترور هؤرگوتو داعشین کیمیاسال سلاح ایستیفاده ائتدیگینه دایر ادعا‌لاری چوخ جدی قبول ائتدیک‌لرینی سؤیله‌دی.
باسکی، آمریکانین داها چوخ بیلگی الده ائتمک اوزره سوروشدورمایا داوام ائتدیگینی ایفاده ائتدی.
سؤزچو؛
"هر جور کیمیاسال و یا بیولوژیک سلاح ایستیفاده‌سی‌نین اولوسلارآراسی حقوقو پوزدوغونو" سؤزلرینه علاوه ائتدی.
هفته ایچینده آچیقلاما وئرن عراق‌لی پئشمرگه گوج‌لری، داعش سالدیریسینین آردین‌دان 60 قدر عضو‌لری‌نین تنفس چتین‌لیگی یاشادیغینی قید ائتمیشدی.
آمریکا مئدیاسیندا دا داعشین عراقدا کورد‌لره قارشی سالدیری‌لاریندا "خردل" گازی ایستیفاده ائتدیگی یولوندا خبرلر یئر آلمیشدی.
ایلگیلی‌لی خبرلر
ایسرائیل خاریجی ایشلر ناظیری: ایرانی دوردورمالیییق
کاتز ایران راکئتلرینین آوروپا اؤلکه‌لرینی و بوتون آزاد دونیانی تهدید ائتدیگینی ادعا ائتدی
