پرز: بؤلگه‌ده باشقا بیر ایران اوچون یئر یوخ
شیمون پرز ائتدیگی آچیقلامادا خوش نیت‌لیغینی ایفاده ائده‌رک اردوغانین آمریکا طرزی گوج‌لو بیر باشقان‌لیق سیستمی یارادما و اؤلکه‌نین آنایاسانی دییش‌دیره‌رک داها چوخ گوج الده ائتمه پلانی‌نین هله‌لیک مانع تؤردیلدیگینی سؤیله‌دی
اورشلیم پوست - 10 ژوئن 2015
پرز: اردوغان تورکیه‌نی ایرانا چئویرمک ایستییر و بؤلگه‌ده باشقا بیر ایران اوچون یئر یوخ
ایسرائیل اسکی پرزیدنتی شیمون پرز، تورک پرزیدنتی رجب طیب اردوغانین قوردوغو آک پارتیانین بازار گونو کئچیریلن سئچیم‌لرده تک باشینا اقتدار اولماق اوچون لازیم اولان تام اکثریتی ایتیرمه‌سی‌نین آردین‌دان، بازار ارته‌سی گونو ائتدیگی آچیقلامادا خوش نیت‌لیغینی ایفاده ائده‌رک اردوغانین آمریکا طرزی گوج‌لو بیر باشقان‌لیق سیستمی یارادما و اؤلکه‌نین آنایاسانی دییش‌دیره‌رک داها چوخ گوج الده ائتمه پلانی‌نین هله‌لیک مانع تؤردیلدیگینی سؤیله‌دی.
"یاخین شرق گیردابیندا ایسرائیل" باش‌لیق‌لی هرزلیا دیسیپلینلرآراسی مرکزینده ائدیلن بیر کونفرانسدا دانیشان پرز، "تورکیه‌ده اولان‌دان چوخ ممنونوم- اردوغان تورکیه‌نی ایرانا چئویرمک ایسته‌دی و یاخین شرقده ایکی دنه ایران اوچون یئر یوخ،" دئدی.
پرز، اردوغانین پارتیسی‌نین بوتون رای‌لرین یوزده 40ی آلا‌راق مخالیفت پارتیلریله کوالیسیون ائتمک مجبوریتینده بوراخیلدیغی تورکیه‌دکی سئچیم نتیجه‌لرینی ایسرائیل و یاخین شرق اوچون مثبت بیر حرکت کیمی قیمتلندیردی.
ایرانلا نوکلئرمذاکیره‌لرله علاقه‌دار اولا‌راق دا پرز احتیاط‌لی اوپتیمیزم گؤستررک مسئله‌نین ایرانین نئچه دنه سانتریفوژه صاحب اولماسینا ایجازه وئریله‌جگی اولمادیغینی، آنجاق نئچه دنه اؤلکه‌نین راضیلیغا طرف اولاجاغی و ایرانین سؤزونده دورماسی اوچون چابا خرجلیه‌جگی اولدوغونو سؤیله‌دی.
پرز، آمریکا پرزیدنتی باراک اوبامانین روسیا و چینی ده ایچه‌رن بئله گئنیش بیر کوالیسیون قورماسینی ممنونیتله قارشیلادیغینی آنجاق راضیلاشمانین بوتون آیرینتیلار اورتایا چیخدیغیندا تام اولا‌راق آیدین اولاجاغینی ایفاده ائتدی. پرز نیظامی واریانتین هر زامان میزده قالماسی لازیم اولدوغونو ده علاوه ائتدی.
اسکی ایسرائیل پرزیدنتی همچینین اوبامایا ایسرائیلین گوونلیگی اوچون گؤستردیگی قارارلیلیقدان اؤتورو تشککور ائده‌رک داها اوّلکی هئچ بیر آمریکا پرزیدنتین بو درجه دایانیق‌لی‌لیق گؤسترمدیگینی ده سؤیله‌دی.
اورشلیم پوست قزئتی‌نین نیویورکدا ائدیلن ایللیک کونفرانسیندا چیخیش ائدن آمریکا خزینه ناظیری جک لو-ین دانیشماسینا ایستینا‌دن، پرز اوباما رهبرلیگین اوست سویه بیر ایشچی‌سی‌نین دانیشما ائدرکن یوهالانماسین‌دان اوتانج دویدوغونو بیلدیری.
نیویورک‌داکی توپلانتیدا حاضیر اولان تخمینن 1،500 نفر، آمریکا خزینه ناظیری لو-ی، اوباما رهبرلیگی‌نین ایسرائیل سیاستی و گوونلیگی ایله ایلگیلی دانیشما ائدرکن فاصیله‌لرله یوهالامیشدی.
"دوننکی کونفرانسدا جک لو-ه ائدیلن رفتار، باغیرما‌لار و یوهالاما‌لار، هامی‌سی اوتانج وئریجی،" دئین پرز، "جک لو بیر ایسرائیل دستکچی‌سی‌دیر و بیزیم دوشمنیمیز دئییل- اونو نیه یوهالادی‌لار؟ دئیه‌رک ده اعتراضینی گؤستردی.
