عراق- شام ایسلام دولتی ترور اؤرگوتونده اعدام ادعاسی
عراق ایش ایشلر ناظیری محمد سالم الغبان، اعدامین سببی‌نین عضو‌لرین تشکیلاتا باغلیلیقلاریندان شوبهه ائدیلمه‌سی اولدوغونو ایفاده ائتدی
عراق- شام ایسلام دولتی ترور اؤرگوتونده اعدام ادعاسی
تشکیلاتدا معنوی چؤکوش یاشاندیغی و 100 تشکیلات عضوونون اعدام ائدیلدیگی ایره‌لی سورولدو.
ادعا عراق ایش ایشلر ناظیرلیگی‌نین رسمی اینترنت سایتیندا یئر آلدی.
عراق ایش ایشلر ناظیری محمد سالم الغبان، اعدامین سببی‌نین عضو‌لرین تشکیلاتا باغلیلیقلاریندان شوبهه ائدیلمه‌سی اولدوغونو ایفاده ائتدی.
غبان، "100 نفرین اعدام ائدیلمه‌سی عراق- شام ایسلام دولتی ترور اؤرگوتونده معنوی قیریلما و چؤکوش یاشاندیغی‌نین گؤستریجی‌سی‌دیر" دئدی.
محمد سالم الغبان، بؤیوک حیسه‌سی عراق- شام ایسلام دولتی ترور اؤرگوتونون علینده اولان صلاالدین شهری‌نین بیر نئچه گون ایچری‌سینده اولوناجاغینی ادعا ائتدی.
آمریکا بیرلشمیش دولتلری لیدرلیگین‌دکی کوالیسیون گوج‌لری‌نین، عراق اوردوسونا دستک وئرمک مقصدیله عراق- شام ایسلام دولتی ترور اؤرگوتونون ایداره‌سین‌دکی بعضی هدف‌لره یؤنلیک هاوا سالدیری‌لاری ایسه داوام ائدیر.
دیگر طرف‌دن عراقین باشکندی بغداددا تشکیل ائدیلن اوچ آیری بومبا‌لی سالدیریدا 9 آدام حیاتینی ایتیردی، 20-دن چوخ آدام یارالانیب.
بغدادین شمالین‌داکی سبل-بور بؤلگه‌سینه دوشن 2 هاوان گولله‌سی ایسه، 3 نفرین اؤلمه‌سینه 7 نفرین یارالانماسینا سبب اولدو.
