عراقدا کیمیاسال سلاح قورخوسو
عراق، باشکند بغدادین قوزئی باتیسینداکی کیمیاسال سلاح تاسیسینین عراق شام ایسلام دؤولتی طرفیندن اله گئچیریلدیگینی بیرلشمیش میلتلره بیلدیردی
عراق، باشکند بغدادین قوزئی باتیسینداکی کیمیاسال سلاح تاسیسینین عراق شام ایسلام دؤولتی طرفیندن اله گئچیریلدیگینی بیرلشمیش میلتلره بیلدیردی.
عراقین بیرلشمیش میلتلردهکی دایمی نمایندهسی محمد علی الحکیم طرفیندن بیرلشمیش میلتلر باش کاتیبی بان کیمونا وئریلن مکتوبدا، ایشیدین ۱۱ ژوئنده بغداد یاخینلیغینداکی المتنی تاسیسینی و ایچیندکی کیمیاسال مادهلری اله گئچیردیکلری بیلگیسینی چاتدیردی. مکتوبدا، عراق حکومتینین بؤلگهدکی گوونلیک وضعیتینین پیسلشمهسی سببیله بوراداکی کیمیاسال سلاحلاری یوخ ائتمه سؤزونو یئرینه گتیرهبیلمهیهجیی قید ائدیلدی.
صدام حسین رژیمی دؤوروندن قالان کیمیاسال تاسیسلرده چئشیدلی زهرلی کیمیاسال مادهلر و یا قالیقلارین اولدوغو ایفاده ائدیلدی.
موصول و اطرافینی سرعتلی بیر شکیلده اله گئچیرن و بغدادی تهدید ائدن ایشید، ۲۹ ژوئنده عراقدا خلافت دؤولتی قوردوغونو اعلان ائتمیشدی.