آذربایجان عسگرلری، سؤزده قاراباغ یؤنتیمی بایراغینی سؤکدو

آذربایجان اوردوسو قانون‌سوز گئچیشلره قارشی کنترللاری آرتیرماق مقصدیله قاراباغ‌دا یئنی بیر یوخلاما نقطه‌سی قوردو.

بؤلگه‌دن گئچه‌ن بیر آراجدا اولان سؤزده قاراباغ یؤنتیمی بایراغی آذربایجان عسگرلری طرفین‌دن سؤکولدو.

آذربایجان سون دؤورده قاراباغا ایجازه‌سیز گیره‌ن ایران نؤمره‌لی تریلی‌لرده آرتیش یاشانماسینین آردین‌دان، ایران و روسیانین باکی ائلچیلرینی خاریجی ایشلر باخانلیغینا چاغیراراق اویارمیشدی.

اویارلارین نتیجه وئرمه‌مه‌سی اوزرینه آذربایجان عسگرلری خانکندییه گئدن گوروس - قافان یولو اوزرینه کنترل نقطه‌سی قوردو، یوخلامالارا باشلادی.

یوخلامالاردا ارمنیستانین قاراباغ‌دا سؤزده اعلان ائتدیگی یؤنتیمین بایراغینین بیر آراجدان سؤکولمه‌سی گونئی قافقازدا بؤیوک سس گتیردی.

یوخلامایا گیرن آراجدا اولان سؤزده بایراق، آذربایجان عسگرلرینین گؤزون‌دن قاچمادی. سؤزده یؤنتیم بایراغی، وظیفه‌لی عسگر طرفین‌دن آراجدان قازیلارکن شوفر ده اویاریلدی.