آذربایجان، روس گازینین ارمنیستانا گؤندریمینه اجازه وئردی
گازپروم گئچیجی بیر سۆره، آذربایجان اوزریندن ارمنیستانا دوغال گاز گؤندره‌جک
1603287
روسیانین انرژی شیرکتی گازپروم گئچیجی بیر سۆره، آذربایجان اوزریندن ارمنیستانا دوغال گاز گؤندره‌جک.
گازپروم اکسپورت شیرکتیندن وئریلن آچیقلامادا، قوزئی قافقاز-ترانس قافقاز بورو خطینین اوچ هفته‌لیگینه باخیما آلیناجاغی بیلدیریلدی.
سؤزوگئدن باخیم چالیشمالاری سببی ایله، روسیادان ارمنیستانا طبیعی گاز گؤندریمینین آذربایجان اوزریندن اولاجاغی بیلگیسینه یئر وئریلن آچیقلامادا،
"سؤزوگئدن گؤندریم اوچون آذربایجان میللی نفت شیرکتی سوکار ایله قیسا مدتلی سؤزلشمه ایمضالانمیشدیر. باخیم ایشلری باشا چاتدیق‌دان سونرا گاز یئنی‌دن روسیا و گورجوستان سرحدلرین‌دن اسکی مسیردن داشیناجاق" ایفاده‌لری ایشله‌دیلدی.
گازپروم، ارمنیستانا ۲۰۲۰ده ۲،۲ میلیارد مکعب متر طبیعی گاز گؤندرمیشدی.
