آذربایجان، ۳۰ ارمنی عسگرین جسدینی ارمنیستانا تحویل وئردی
لاچین و سوقووشانین گوئنیینده فضولی ایستیقامتینده آختاریشلار آپاریلدی
آذربایجانین داغلیق قاراباغدا اؤلن۳۰ ارمنی عسگرین جسدینی ارمنیستانا تحویل وئردیگی بیلدیریلدی.
اسپوتنیکین خبرینه گؤره، ۲۳ ژانویهده لاچین و سوقووشانین گوئنیینده فضولی ایستیقامتینده آختاریشلار آپاریلدی. آذربایجان طرفی ۳۰ عسگرین داها جسدینی تحویل وئردی. جسدلر تانینماز حالدا، کیملیک تعیینی اوچون عدلی طب معاینهسینه قرار وئریلدی.
ارمنی طرفینین معلوماتینا گؤره، ۱۳ نوامبردان بری آپاریلان آختاریشلاردا ۱۲۸۱ جسد تاپیلدی.
گئچهن چرشنبه گونو ارمنیستان باشباخان یاردیمچیسی تیگران آوینیان مجلسدهکی چیخیشیندا ۳۴۳۹ جسدین ساواش میدانیندان چیخاریلدیغینی اعلان ائتدی. ارتهسی گون ارمنیستان ساغلیق باخانی آناهیت آوانسیان سون معلوماتلارا گؤره اؤلنلرین ساییسینین ۳۴۵۰ اولدوغونو بیلدیردی.
ایلگیلیلی خبرلر
افغانیستاندا هلیکوپتر دوشدو
غور ویلایتینین فیروز کوه شهرینده عسگری هلیکوپتر، هریرود چایینین ساحلینه دوشدو