Ärmänstan utnı tuqtatunı ütämi
Azärbaycan belän Ärmänstan arasında 3nçe tapqır humanitar maqsatlı waqıtlı utnı tuqtatu ğamälgä kerde.
Xärbi cinayät yasawçı Ärmänstan armiyası tağın ber qat xalıqara xoquqnı tanımawın bilgele itte. Ärmänstan ğaskäre utnı tuqtatunı bozu öçen xätta 5 minut ta kötmäde.
Äzärbaycan saqlanu ministrlığı ärmän ğaskäreneñ utnı tuqtatu ğamälgä kergännän 5 minuttan soñ Azärbaycan nığıtmalarına tup yädräläre belän ut açuın citkerde. Tärtär, Ağdam, Fuzuli, Laçın häm Gubadlı yünäleşlärendäge Azärbaycan xärbi berleklärenä höcümnär oyıştırıldı.
Ärmänstan cirlärennän Tärtär, Tovuz, Gädäbäy, Daşkäsän töbäklärendäge toraq punktlarğa ut açıldı.
Azärbaycan İlbaşı urınbasarı Xikmät Xacıyev soñğı höcümnärneñ Ärmänstannıñ utnı tuqtatunı Azärbaycan xärbi berleklärenä häm toraq punktlarğa höcüm itü, köç cıyu häm yaña nığıtmalar (poziśiya) qazanu öçen qullanuın kürsätüen äytte.
Utnı tuqtatunıñ bozıluındağı böten cawaplılıqnıñ Ärmänstan östendä buluına basım yasaldı.
Monnan alda da 10nçı häm 18nçe üktäbr’ könnärendä Azärbaycan belän Ärmänstan arasında humanitar utnı tuqtatu iğ’lan itelgän, qısqa waqıt êçendä ärmän ğaskäre utnı tuqtatunı bozğan ide.
